فضا میں طیاروں سے پرندوں کے ٹکرانے کے واقعات آئے دن پیش آتے رہتے ہیں جو کسی بھی بڑے حادثے کا پیش خیمہ بن سکتے ہیں،
ایک ایسا ہی واقعہ ایک پرواز کے دوران پیش آیا جس میں ہوائی جہاز کی ونڈ شیلڈ سے پرندہ ٹکرایا اور شیشہ توڑتے ہوئے کاک پٹ میں جاگرا۔
یہ واقعہ ایکواڈور میں پیش آیا، سوشل میڈیا پر وائرل ویڈیو میں دیکھا جاسکتا ہے کہ پرندے کے خون کے چھینٹے پائلٹ کے منہ پر بھی پڑے لیکن اس نے ہمت کا مظاہرہ کرتے ہوئے جہاز کو بحفاظت لینڈ کردیا۔
Pilot safely lands his plane after a huge bird struck his windshield in the Los Ríos Province, Ecuador. Ariel Valiente was not injured during the incident. pic.twitter.com/Rl3Esonmtp
— Breaking Aviation News & Videos (@aviationbrk) June 15, 2023
ویڈیو میں پرندے کی لاش پائلٹ کی سیٹ کے پاس لٹکی ہوئی نظر آرہی ہے، مختصر سی ویڈیو جسے سوشل میڈیا پر پوسٹ کیے جانے کے بعد بڑی تعداد میں صارفین دیکھا اور شیئر کیا، اس میں بڑے سے پرندے کے جسم کا نچلا حصہ کاک پٹ میں لٹکا ہوا اور پائلٹ کو خون میں لت پت دکھایا گیا ہے۔
ویڈیو کلپ سوشل میڈیا پر وائرل ہو چکا ہے اور ہزاروں صارفین نے تبصرے کرتے ہوئے مشکل حالات میں پائلٹ کے طرز عمل اور اس کی ہمت کی تعریف کی۔
اس حوالے سے میڈیا رپورٹس میں بتایا گیا ہے کہ ہوائی جہاز کی ونڈشیلڈ سے ٹکرا کر مرنے والا بڑا پرندہ اینڈین کنڈور ہوسکتا ہے، یہ بڑے سائز کا پرندہ پہاڑی گدھ کی نسل سے ہے اور مغربی جنوبی امریکہ کے ملحقہ ساحلوں میں پایا جاتا ہے۔ اس کا وزن 15 کلو گرام اور اس کے پروں کا پھیلاؤ نو فٹ تک ہوسکتا ہے۔
