The news is by your side.

Advertisement

پی آئی اے پائلیٹس کا روانگی سے دو گھنٹے قبل بیماری کا بہانہ

کراچی: ایوی ایشن ڈویژن نے بیماری کا بہانہ کرنے والے پی آئی اے کے کپتانوں کا طبی معائنہ کرانے کا فیصلہ کرلیا ہے، بیماری کا بہانہ کرنے والے پائلٹوں کی تصویریں اے آر وائی نیوز نے حاصل کرلی ہیں۔

ایوی ایشن کے عہدیدار جواد نزیر نے ٹویٹر اکاؤنٹ کے ذریعے روانگی کے وقت سے صرف دو گھنٹے پہلے غیر حاضر ہونے والے پائلٹوں کے نام بے نقاب کیا۔

انہوں نے ایوی ایشن ڈویژن پر تنقید کے جواب میں میڈیا کے لئے خط کی نقل بھی پیش کی جس میں صدرپلپا کیپٹن عامر ہاشمی کو پلپا معاملات پر بات چیت کرنے کے لئے ایوی ایشن ڈویژن اسلام آباد میں ایک اجلاس میں شرکت کرنے کے لئے کہا گیا تھا۔

 

 

جواد نزیر نے اپنے اگلے ٹوئٹ میں پی آئی اے کے ان پائلٹس کی نشاندہی کی جنہوں نے پلپا کے زیر اثر رخصت کی درخوست کی بمہ طبی سرٹیفکیٹ ۔

 

پی آئی اے ذرائع کے مطابق ایوی ایشن ڈویژن نے پی آئی اے بحران سے سختی سے نمٹنے کا فیصلہ کرلیا ہےاور سول ایوی ایشن کو بیمار پائلٹوں کے میڈیکل سرٹیفیکیٹس کی جانچ پڑتال کا حکم بھی دے دیا گیا ہے۔

بیماری کا بہانہ کرکے ڈیوٹی سے غیر حاضر رہنے والےپی آئی اے کے کپتانوں میں زیب النسا، کیپٹن بخاری، این منصور ، ارتضی علی ، نوید علی ، کیپٹن مغل ، اور اورنگزیب خان کے نام شامل ہیں۔

Print Friendly, PDF & Email

Comments

comments

یہ بھی پڑھیں