ٹھٹھہ: پائپ لائن پھٹنے سے کراچی کو پانی فراہم کرنے والے تمام 7 پمپس بند ہو گئے۔
تفصیلات کے مطابق کراچی کو پانی فراہم کرنے والی 72 انچ قطر کی پائپ لائن پھٹ گئی، جس کی وجہ سے شہر کو پانی فراہم کرنے والے تمام 7 پمپس بند ہو گئے ہیں۔
تمام پمپ بند ہونے سے کراچی کو 7 کروڑ گیلن سے زائد پانی کی فراہمی معطل ہو گئی، لانڈی، ملیر، کورنگی، شاہ لطیف ٹاؤن، قائد آباد، گلشن حدید، گلشن اقبال اور دیگر علاقوں میں پانی کی قلت ہوگی۔
- Advertisement -
پھٹنے والی پائپ لائن کا مرمتی کام شروع نہ ہو سکا، متاثرہ پائپ لائن سے پانی کا اخراج بھی جاری ہے جس کی وجہ سے پورا علاقہ پانی سے بھر گیا، پائپ لائن کی مرمت کے لیے کراچی سے ٹیکنیکل ٹیم روانہ ہوگی۔
