بدھ, جولائی 2, 2025
اشتہار

کراچی:سابق صوبائی وزیر پیرمظہر الحق کی عبوری ضمانت میں توسیع

اشتہار

حیرت انگیز

کراچی: ہائی کورٹ نے غیر قانونی بھرتیوں سے متعلق کیس میں سابق وزیر تعلیم پیر مظہر الحق کی عبوری ضمانت میں توسیع کردی۔

تفصیلات کےمطابق سندھ ہائی کورٹ میں سابق وزیر تعلیم پیر مظہر الحق کی محکمہ تعلیم میں غیر قانونی بھرتیوں سے متعلق کیس کی سماعت ہوئی۔

سندھ ہائی کورٹ میں کیس کی سماعت کے دوران نیب کے تفتیشی افسر کا کہنا تھا کہ سابق وزیر تعلیم پیر مظہر الحق کی ایما پر محکمہ تعلیم میں 13 ہزار بھرتیاں کی گئیں اور ای ڈی او ممتاز شیخ بھی اس میں براہ راست ملوث ہیں۔

تفتیشی افسر کا کہنا تھا کہ ملزمان کے خلاف شواہد اکٹھے کر لئے ہیں،انکوائری جلد مکمل کر لی جائے گی۔انہوں نے کہا کہ تحریری جواب جمع کرانے کے لئے مہلت دی جائے۔

عدالت نے سابق وزیر تعلیم پیر مظہر الحق،سابق ای ڈی او ممتاز شیخ اور ملزم عبدالجبار کی عبوری ضمانتوں میں توسیع کرتے ہوئے سماعت ملتوی کردی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں