بھارت کے شہر اندور میں چار خواتین کے گروپ نے پیزا ڈیلیور کرنے والی ایک نوجوان لڑکی کی سرِ عام پٹائی کر دی جس کی ویڈیو سوشل میڈیا پر گردش کر رہی ہے۔
بھارتی میڈیا کے مطابق پیزا ڈیلیور کرنے والی لڑکی کو خواتین نے گھورنے پر مارا۔ پٹائی کے دوران لڑکی مدد کو پکارتی رہی تاہم محلے کے لوگ سارا تماشا دیکھتے رہے۔
ویڈیو کلپ میں دیکھا جا سکتا ہے کہ کس طرح خواتین لڑکی کو لاٹھیوں سے پیٹ رہی ہیں۔
جھگڑے کے دوران پیزا ڈیلیور کرنے والی لڑکی کو کہتے سنا جا سکتا ہے کہ وہ پولیس سے شکایت کرے گی۔ اس پر خواتین میں سے ایک نے کہا کہ ”جاؤ پولیس میں شکایت درج کروا دو۔“
A young woman was mercilessly thrashed, grabbed by the hair in full public view by a group of women in Indore. The video of the incident shows four women beating up the victim, a pizza chain employee, using sticks and fists, for allegedly staring at them @ndtv @ndtvindia pic.twitter.com/R6l2epYLpJ
— Anurag Dwary (@Anurag_Dwary) June 13, 2022
لڑکی نے قریبی گھر میں پناہ لے کر خود کی جان بچائی۔ اس کی شناخت نندنی یادو کے نام سے ہوئی ہے۔
بھارتی صحافی انوراگ دواری نے ٹویٹر پر ویڈیو شیئر کرتے ہوئے لکھا ”اندور میں خواتین کے ایک گروپ نے نوجوان لڑکی کو بے رحمی سے پیٹا، اسے بالوں سے پکڑ کر مارا گیا۔“
