کراچی: ایک ویڈیو سامنے آئی ہے جس میں کراچی کے علاقے آئی آئی چندریگر روڈ پر پولیس ہیڈ آفس کے قریب پیزا شاپ میں لوٹ مار ہوتے دیکھا جا سکتا ہے۔
تفصیلات کے مطابق شہر قائد میں آئی آئی چندریگر روڈ پر پولیس ہیڈ آفس کے قریب لٹیروں نے پیزا شاپ لوٹ لی، لٹیرے پیزا شاپ میں موبائل فون اور رقم چھین کر بہ آسانی فرار ہو گئے۔
اے آر وائی نیوز کو موصول سی سی ٹی وی فوٹیج میں دیکھا جا سکتا ہے کہ ایک لٹیرے نے چند سیکنڈ میں واردات کی اورفرار ہو گیا۔ فوٹیج کے مطابق لٹیرے نے پستول دکھا کر پیزا شاپ میں موجود کئی افراد کو موبائل فونز سے محروم کیا۔
