سڈنی : آسٹریلیا کے شہری دو بہن بھائی نے فائر فائٹرز کو رقم عطیہ کرنے کےلیے 338 فٹ طویل پیزا تیار کرلیا۔
انسانوں میں ایک دوسرے سے محبت، ہمدردی اور ایک دوسرے کی مدد کرنے کا جو جذبہ ہوتا ہے وہ بعض اوقات خود انسانوں کو بھی حیران کردیتا ہے۔
ایسا ہی ایک منظر آسٹریلیا کے شہر سڈنی کی سڑک پر دیکھنے میں آیا جہاں دو بہن بھائی نے خوفناک آتشزدگی پر قابو کے دوران جانیں قربان کرنے والے فائرفائٹرز کی مدد کےلیے طویل ترین پیرا تیار کرکے انسانیت کی انوکھی مثال قائم کردی۔
غیر ملکی خبر رساں ادارے کا کہنا تھا کہ پیزا پیری اور روزمیری نامی دو بہن بھائیوں نے مسلسل 4 گھنٹوں کی محنت سے تیار کیا، جو پیلیگزینیز اٹالین کے نام سے پیزا ریسٹورنٹ چلاتے ہیں۔
میڈیا رپورٹس میں بتایا گیا ہے کہ انہوں نے 338 فٹ طویل پیزا ایک کنوینئر اوون کی مدد سے تیار کیا ہے، جس میں 90 کلوگرام آٹا لگا ہے جبکہ اس پیزا کو 4 ہزار سلائس میں کاٹ کر مجمع میں ہی تقیسم کردیا گیا تھا۔
غیر میڈیا کے مطابق اتنا طویل پیزا تیار کرنے کا مقصد کئی ماہ سے لگی ہوئی آگ پر قابو پانے کے دوران لقمہ اجل بننے والے فائرفائٹرز کےلیے رقم جمع کرنا تھا۔
مجمع میں موجود 3 ہزار افراد نے نیو ساؤتھ ویلز رورل فائر سروس کے لیے عطیات دئیے۔
پیری میو کا کہنا تھا کہ 338 فٹ طویل پیزا نے عالمی ریکارڈ تو نہیں توڑا اور نہ ہی ہمارا مقصد عالمی ریکارڈ تھا، اس تقریب کا مقصد فائر فائٹرز کےلیے فنڈز جمع کرنا تھا۔
خیال رہے کہ آسٹریلیا کے جنگلات میں گزشتہ کئی ماہ سے خوفناک آگ بھڑکی ہوئی ہے جو اب تک جنگل کے 501 کروڑ سے زائد جانوروں کو جلا کر ہلاک کرچکی ہے۔
