The news is by your side.

Advertisement

گلستان جوہر میں‌ مبینہ پولیس موبائل کا گھر دھاوا

کراچی : شہر قائد کے پوش علاقوں میں سادہ لباس اور بغیر نمبر پلیٹ کی موبائل میں کارروائیاں سوالیہ نشان بن گئی۔

تفصیلات کے مطابق کراچی کے علاقے گلستان جوہر میں مبینہ پولیس موبائل کے ذریعے سادہ لباس اہلکاروں نے گھر پر دھاوا بول دیا۔

ذرائع کا کہنا ہے کہ نامعلوم سادہ لباس اہلکاروں نے چادر اور چار دیواری کا تقدس پامال کرتے ہوئے گھر میں موجود خواتین اور دیگر افراد پر تشدد بھی کیا۔

کارروائی میں استعمال ہونے والی پولیس موبائل کی نمبر پلیٹ ہی نہیں تھی اور نہ ہی موبائل پر تھانے کا نام درج تھا، واقعے میں ملوث چھ افراد کی کارروائی کی سی سی ٹی وی فوٹیج اے آر وائی نیوز نے حاصل کرلی۔

ذرائع کا کہنا ہے کہ گھر پر سادہ لباس اہلکاروں کے دھاوے کے وقت لوگ جمع ہوئے تو موبائل میں آئے سادہ لباس اہلکار فرار ہوگئے۔

علاقہ مکینوں نے گیٹ بند کرنے کی کوشش کی لیکن موبائل پارٹی فرار ہوگئی، پولیس نے واقعے کا نوٹس لیتے ہوئے کہا ہے کہ واقعے کی جانچ کررہے ہیں جلد ملزمان کو گرفتار کرلیں گے۔

Comments

یہ بھی پڑھیں