فلوریڈا: امریکی ریاست فلوریڈا کی ایک ہائی وے پر طیارہ کریش لینڈنگ کے دوران گاڑی سے ٹکرا گیا، دل دہلا دینے والے حادثے میں 2 افراد ہلاک ہو گئے۔
غیر ملکی میڈیا رپورٹس کے مطابق فلوریڈا کے حکام نے بتایا کہ جمعہ کی دوپہر فلوریڈا کی ایک شاہراہ پر اس وقت ایک چھوٹا مسافر طیارہ کریش لینڈنگ کے وقت گاڑی سے ٹکرا کر تباہ ہو گیا جب اس کے دونوں انجن فیل ہو گئے تھے، اور پائلٹ نے ہنگامی لینڈنگ کی کوشش کی۔
اس ہولناک حادثے میں دو افراد ہلاک ہو گئے ہیں، گاڑی سے ٹکرانے کے بعد طیارے میں آگ بھڑک اٹھی، خوف ناک شعلے اور دھواں فضا میں میلوں دور تک دیکھا گیا، حکام کے مطابق نجی مسافر بردار طیارے میں 5 افراد سوار تھے۔
Another plane crash, this time on I-75 in Naples, Florida.
The private plane hit a vehicle while trying to land on the highway.
What is going on? DEI again? FAA?pic.twitter.com/Z4h5Tm9qd7
— Paul A. Szypula (@Bubblebathgirl) February 9, 2024
عینی شاہدین کا کہنا تھا کہ انھوں نے اپنے سروں پر نیچے کی طرف آتے ہوئے طیارے کو دیکھا، سڑک پر اترنے کے بعد اس کی زد میں ایک کار آئی، جسے گھسیٹتے ہوئے طیارہ سائیڈ کی دیوار سے ٹکرا گیا، جس کے باعث ایک دھماکے سے اس میں آگ بھڑک اٹھی، اور کچھ ہی دیر بعد اس میں زبردست دھماکا ہو گیا۔
Plane crash in Naples Florida
A small plane crashed near Interstate 75 in Collier County at Mile Marker 105 (also known as the Golden Gate Parkway exit).
All southbound lanes have been shut down at the mile marker. According to the Florida Highway Patrol, the plane collided with… pic.twitter.com/Qjz8e8Myqv— Mario (@ELMario2050) February 9, 2024
فیڈرل ایوی ایشن ایڈمنسٹریشن کے مطابق طیارے کی شناخت بمبارڈیئر چینلجر 600 جیٹ کے طور پر کی ہے، طیارے نے کولمبس، اوہائیو میں واقع اوہائیو اسٹیٹ یونیورسٹی کے ہوائی اڈے سے دوپہر ایک بجے کے قریب اڑان بھری تھی۔ نیپلز ایئرپورٹ اتھارٹی کے ترجمان کے مطابق حادثے کے وقت طیارے نے نیپلز میں لینڈ کرنا تھا۔ ایک پائلٹ نے ہنگامی لینڈنگ کی درخواست کرتے ہوئے ٹاور سے رابطہ کیا اور کہا کہ ان کے دونوں انجن ناکارہ ہو گئے ہیں۔
کال ٹیپ کے حوالے سے میڈیا نے رپورٹ کیا کہ پائلٹ کو رن وے پر اترنے کی اجازت دے دی گئی تھی، لیکن پھر پائلٹ نے کہا کہ وہ رن وے تک نہیں پہنچ سکتے کیوں کہ دونوں انجن فیل ہو چکے ہیں۔
