گوما: کانگو کے شہر گوما میں چھوٹا طیارہ گر کر تباہ ہوگیا جس کے نتیجے میں 23 افراد ہلاک ہوگئے۔
غیرملکی خبررساں ادارے کے مطابق کانگو کے شہر گوما کے رہائشی علاقے میں طیارہ گر کر تباہ ہوگیا جس کے نتیجے میں 23 افراد ہلاک ہوگئے۔
طیارے میں مسافروں سمیت عملے کے ارکان بھی سوار تھے، گوما کے ایئرپورٹ آفیشل رچرڈ منگولوپا نے کہا ہے کہ طیارہ تباہ ہونے کے نتیجے میں کسی کے بھی زندہ بچنے کی امید نہیں ہے۔
رپورٹ کے مطابق ڈورنیر 228 طیارہ گوما کے شمال میں 350 کلو میٹر شمال میں بینی کے لیے روانہ ہوا تھا اور ملک کے مشرق میں ہوائی اڈے کے قریب رہائشی آبادی میں گرکر تباہ ہوا۔
Smoke rises from the wreckage of a small plane which crashed on takeoff into a densely populated area of Goma in the Democratic Republic of Congo pic.twitter.com/31BXU7qrG0
— AFP news agency (@AFP) November 24, 2019
بزی بی ایئرلائن اسٹاف کے رکن کا کہنا ہے کہ جہاز میں 17 مسافر اور عملے کے دو ارکان سوار تھے، طیارہ صبح کے وقت حادثے کا شکار ہوا۔
طیارہ حادثہ کی وجہ فوری طور پر معلوم نہیں ہوسکی ہے تاہم ایک ٹیکنیشن کا کہنا ہے کہ حادثہ تکنیکی مسئلہ معلوم ہوتا ہے۔
طیارہ حادثے کے نتیجے میں زخمی ہونے والے رہائشی آبادی میں موجود افراد کی تعداد معلوم نہیں ہوسکی ہے۔
