میکسیکو: شمالی امریکی ملک میکسیکو کے شہر سینالووا میں والدین بننے کی ایک اطلاعی پارٹی میں چھوٹا طیارہ گر کر تباہ ہو گیا، حادثے میں پائلٹ کی جان چلی گئی۔
غیر ملکی میڈیا رپورٹس کے مطابق 2 ستمبر کو میکسیکو کے علاقے سینالووا میں ایک خوش و خرم جوڑے نے اپنے خاندان اور دوستوں کو پارٹی میں بلا کر یہ انکشاف کرنا تھا کہ ہونے والا بچہ لڑکا ہوگا یا لڑکی، کہ اس سلسلے میں ان کا ہائر کردہ چھوٹا طیارہ ہول ناک حادثے کا شکار ہو گیا۔
#WATCH : 🇲🇽 Pilot died after his plane crashed at a gender reveal party in San Pedro, Mexico.#Mexico #planecrash #SanPedro #latestnews #latest #latestnewsupdate pic.twitter.com/l7UZ9kssyH
— upuknews (@upuknews1) September 3, 2023
ویڈیو میں دیکھا جا سکتا ہے کہ میاں بیوی خوشی سے نہال ہیں، اور ان کے سروں پر طیارے نے گلابی رنگ چھڑکا جس کا مطلب تھا کہ بچہ ایک لڑکی ہوگی، تاہم وہ بے خبر رہے کہ ان کے سروں پر سے گزر کر طیارے بھیانک حادثے کا شکار ہو گیا۔
Plane crashes during a ‘gender reveal party’. The pilot died.
And all that for a child that has a different gender in a few years… or even no gender. pic.twitter.com/yL4ef7oF8r
— iamyesyouareno (@iamyesyouareno) September 3, 2023
معلوم ہوا ہے کہ میاں بیوی نے یہ جیٹ طیارہ کرائے پر لیا تھا جس نے پارٹی کے اوپر گلابی پاؤڈر کا چھڑکاؤ کرنا تھا، رنگ پھینکنے کے بعد پائپر طیارہ اچانک اوپر کی طرف بلند ہو گیا اور ویڈیو میں دیکھا جا سکتا ہے کہ اسی لمحے طیارے کا پر ٹوٹ کر جھولنے لگا۔
مقامی میڈیا کے مطابق طیارے میں صرف 32 سالہ پائلٹ لوئس اینجل این موجود تھا، جو حادثے کے بعد شدید زخمی حالت میں ملبے میں پڑا پایا گیا تھا، ایوی ایشن سیفٹی نیٹ ورک کے مطابق اسے اسپتال لے جایا گیا لیکن جاں بر نہ ہو سکا۔
اس المناک لمحے کی ویڈیو سوشل میڈیا پر وائرل ہو گئی ہے۔
