امریکی ریاست ٹیکساس کے شہر آسٹن سے اڑان بھرنے والا طیارہ حادثے کا شکار ہوگیا۔
بین الاقوامی میڈیا رپورٹ کے مطابق ٹیکساس کے علاقے ہیوسٹن ائیرپورٹ کےقریب چھوٹاطیارہ گرنے کا واقعہ پیش آیا، حادثے کے بعد جہاز کو آگ لگ گئی تھی۔
معجزانہ طور پر طیارہ حادثے میں کوئی جانی نقصان نہیں ہوا، طیارے کے عملے کے تین ارکان سمیت 21 افراد باحفاظت ریسکیو کرلیا گیا۔
سول ایوی ایشن حکام کے مطابق ایم ڈی 87 طیارے میں اڑان بھرنے میں بعد آگ لگ گئی تھی، جس نے فوری طور پر کیٹی کے قریب ایئرپورٹ کے کچے علاقے میں لینڈنگ کی۔
طیارے میں 18 مسافر بھی سوار تھے، جنہیں بروقت ریسکیو کرلیا گیا، خوش قسمتی سے کسی بھی مسافر کو خراش تک نہیں آئی۔
Breaking: Officials are responding to a plane crash near an airport in Waller County, Texas. There are no initial reports of any serious injuries or deaths. pic.twitter.com/F1u8hq8zOH
— PM Breaking News (@PMBreakingNews) October 19, 2021
ایوی ایشن حکام نے طیارہ حادثے کا نوٹس لیتے ہوئے واقعے کی تحقیقات کا آغاز کردیا اور ٹیم کو تین روز کے اندر ابتدائی رپورٹ پیش کرنے کی ہدایت کی ہے۔
رپورٹ کے مطابق نجی کمپنی کی زیرملکیت طیارے کو 2015 میں اڑان کی اجازت ملی تھی، جس میں 172 مسافروں کے بیٹھنے کی گنجائش ہے جبکہ یہ دو انجنوں پر مشتمل ہے۔
