پیرو کے مشہور سیاحتی مرکز کی سیر کو جانے والے غیرملکی سیاحوں کا طیارہ گرِ کر تباہ ہو گیا۔
بین الاقوامی میڈیا رپورٹس کے مطابق صحرائے نازکا کے حسین قدرتی نظاروں کا خواب سجائے سیاحوں نے پرائیویٹ کمپنی کے طیارے میں اڑان بھری تو یہ سفر ان کا آخری ثابت ہوا۔
ریشے ہوائی اڈے سے اڑان بھرنے والے ایروسانتوس سیاحتی کمپنی کا طیارہ ٹیک آف کے کچھ دیر بعد ہی حادثے کا شکار ہو کر تباہ ہو گیا جس کے نتیجے میں تمام سوار افراد ہلاک ہو گئے۔
کمپنی کا کہنا ہے کہ فوری طور پر حادثے کی وجہ معلوم نہیں ہو سکی تاہم واقعے کی تحقیقات شروع کر دی گئی ہیں۔ طیارے میں 5 غیرملکی سیاح اور عملے کے 2 ارکان سوار تھے۔ سیاحوں کا تعلق ہالینڈ اور چلی سے تھا۔
طیارہ ایک انجن والا تھا جو پہلے بھی کئی بار سیاحوں کو نازکا لائنز کی سیر کروانے کے لیے استعمال ہو چکا تھا۔ نازکا لائنز نونیسکو کے عالمی ثقافتی ورثے میں شامل ہے اور درجنوں طیارے یہاں سیاحوں کو لے کر پہنچتے ہیں۔
نازکالائنز اپنی وسیع زمینی شکلوں کے لیے دنیا بھر میں مشہور ہے جنہیں جیٹ طیاروں سے بہترین انداز میں دیکھا جا سکتا ہے۔