The news is by your side.

Advertisement

طیارہ حادثہ: کئی شہدا کی تدفین ،غائبانہ نماز جنازہ

اسلام آباد: سانحہ حویلیاں کو تیسرا دن شروع ہوگیا ،شہداکے لواحقین نے سپریم کورٹ سے شفاف تحقیقات، اے ٹی آر طیاروں کی بندش،پی آئی اے کی اعلیٰ قیادت کی برطرفی کا مطالبہ کردیا،مختلف شہروں میں شہدا کی غائبانہ نماز جنازہ اور قرانی خوانی کی گئی۔

سانحہ حویلیاں کے دوسرے دن کے اختتام پر لواحقین پمزا سپتال کے باہر سراپا احتجاج ہوگئے۔لواحقین نے سپریم کورٹ سے شفاف تحقیقات،پی آئی اے چیئرمین اور ایم ڈی کی برطرفی اور اے ٹی آر طیاروں کی بندش کے مطالبات کیے۔ لواحقین نے امدادی رقم دگنا کرنے کا بھی مطالبہ کیا۔

حادثے میں شہید حاجی تکبیر خان کی میت چترال لائی گئی جہاں ان کی تدفین کی گئی، بدقسمت طیارے کے عملے کے رکن سمیع اللہ کی تدفین ان کے آبائی علاقے ڈی جی خان میں کی گئی۔

حادثہ میں شہید اے ایس ایف کے کمانڈو احسن غفار کی راولپنڈی کے علاقے جاتلی میں تدفین کی گئی۔

سانحہ حویلیاں میں شہید ہونے والوں کی سکھر اور فیصل آباد میں غائبانہ نماز جنازہ ادا کی گئی۔ راولپنڈی میں شہدا کے بلند درجات کے لیے قرآن خوانی کی گئی۔

دریں اثنا خیبر پختونخوا اسمبلی میں طیارہ حادثے کی اعلیٰ سطح تحقیقات کے لیے متفقہ قرارداد منظور کی گئی۔

Print Friendly, PDF & Email

Comments

comments

یہ بھی پڑھیں