تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

اناڑی پائلٹ جہاز لے کر اڑ گیا، پھر کیا ہوا؟

لندن: برطانیہ میں غیر تربیت یافتہ پائلٹ کے جہاز لے کر اڑانے کا واقعہ پیش آیا ہے، تاہم خوش قسمتی سے جہاز حادثہ سے محفوظ رہا، اور اسے بخیریت واپس اتار لیا گیا۔

یوں تو اس طرح کی لاپرواہی کے واقعات ترقی پذیر ممالک میں دیکھنے میں آتے ہیں لیکن کیا آپ نے کبھی سوچا ہوگا کہ اس طرح کا واقعہ برطانیہ جیسے ترقی یافتہ ملک میں بھی پیش آسکتا ہے، یقینا نہیں، لیکن ایسا واقعہ برطانیہ میں پیش آیا ہے۔

برطانوی میڈیا رپورٹس کے مطابق ورجنک اٹلانٹک ائیرلائن کی برطانیہ سے امریکا جانے والی پرواز کو غیر تربیت یافتہ پائلٹ کی جانب سے لے کر جانے کا واقعہ سامنے آیا ہے۔ لندن کے ہیتھرو ائیرپورٹ سے نیو یارک کیلئے اڑان بھرنے والی ورجن اٹلانٹک کی پرواز کے دوران انکشاف ہوا کہ معاون پائلٹ غیر تربیت یافتہ ہے۔

رپورٹ کے مطابق معاون پائلٹ نے کیپٹن کو بتایا کہ اس نے ابھی تک اپنا فلائنگ ٹیسٹ مکمل نہیں کیا ہے۔ معاون پائلٹ کی جانب سے آگاہ کرنے کے بعد اڑان بھرنے کے 40 منٹ بعد پرواز کو واپس ہیتھرو ائیرپورٹ پر اتار لیا گیا، پرواز میں 300 مسافر سوار تھے۔

ائیرلائن کے ترجمان نے اس غلطی کو "روسٹرنگ ایرر” قرار دیتے ہوئے مسافروں سے معذرت کی، انہوں نے کہا کہ فلائٹ تاخیر کا شکار ہونے کے باعث ہم مسافروں سے معذرت خواہ ہیں۔

ائیرلائن کی جانب سے جاری بیان میں کہا گیا کہ "کوالیفائیڈ فرسٹ آفیسر، جو کہ ایک تجربہ کار کپتان کے ساتھ پرواز کر رہا تھا، کو ایک نئے پائلٹ سے تبدیل کر دیا گیا تاکہ ورجن اٹلانٹک کے تربیتی پروٹوکول کی مکمل تعمیل کو یقینی بنایا جا سکے۔

Comments

- Advertisement -