بیجنگ: چین میں طیارہ پل کے نیچے پھنس گیا جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کے مطابق چین کی ایک مصروف شاہراہ پر ہوائی جہاز پیڈسٹرین برج کے نیچے پھنس گیا اور ریسکیو اہلکار ایئربس طیارے کو وہاں سے نکالنے کی کوشش کرتے رہے جس کی ویڈیو وائرل ہوگئی۔
رپورٹ کے مطابق ہوائی جہاز کو ٹرالر پر رکھ کر لے جایا جارہا تھا اور ٹرالر جب ایک پیڈسٹرین برج کے نیچے پہنچا تو اس کے نیچے پھنس گیا۔
ٹرالر ڈرائیور نے طیارے کو کسی بھی قسم کے نقصان سے بچانے کے لیے ٹرالر کو مزید آگے نہیں بڑھایا اور ریسکیو اہلکاروں کو طلب کیا۔
An airplane was stuck under a footbridge in Harbin, China. Watch how it was removed by a witty driver pic.twitter.com/Puxi4l1AEa
— China Xinhua News (@XHNews) October 21, 2019
چینی میڈیا کی رپورٹ کے مطابق طیارےکے پل کے نیچے پھنسنے کی وجہ ٹرالر پر طیارے کا لوڈ ہونا نہیں تھا بلکہ ٹرالر کے ٹائر بڑے تھے جس کی وجہ سے ہوائی جہاز پیڈسٹرین برج کے نیچے پھنس گیا۔
ڈرائیور کی جانب سے ٹرالر کے ٹائروں کو دوبارہ کھولا گیا اس میں دوسرے ٹائر لگائے گئے جس کے بعد ہوائی جہاز باآسانی پل کے نیچے سے گزر گیا۔
ہوائی جہاز کے پل کے نیچے پھنسے ہونے پر صارفین کی جانب سے مختلف تبصرے کیے گئے اور سوشل میڈیا پر قہقہوں کا نہ تھمنے والا سلسلہ شروع ہوگیا۔