آکسفورڈ چلڈرن ڈکشنری نے ’پلاسٹک‘ کو سال 2018 کا لفظ قرار دیا ہے۔
آکسفورڈ یونیورسٹی پریس کی جانب سے منعقدہ کیے گئے کہانی لکھنے کے ایک مقابلے میں 1 لاکھ 34 ہزار کہانیاں موصول ہوئیں۔ ان کہانیوں میں سب سے زیادہ استعمال ہونے والا لفظ پلاسٹک تھا۔
آکسفورڈ کے مطابق اس لفظ کو بچوں کی جانب سے بہت زیادہ استعمال کیے جانے کے بعد رواں سال کا لفظ قرار دیا گیا۔
آکسفورڈ کا کہنا ہے کہ اس لفظ کا بے تحاشہ استعمال ظاہر کرتا ہے کہ ہمارے بچے ماحولیاتی مسائل سے آگاہ ہیں اور ان سے نمٹنا چاہتے ہیں۔
مقابلے کے لیے جمع کروائی کہانیوں میں ایک اور لفظ بہت زیادہ استعمال کیا گیا جو ’ری سائیکل‘ تھا۔
آکسفورڈ کے مطابق بچوں کی جانب سے جمع کروائی گئی زیادہ تر کہانیوں میں ماحولیاتی مسائل کو کسی نہ کسی طرح اجاگر کیا گیا۔
نمائندہ آکسفورڈ کا کہنا ہے کہ یہ بہت خوش آئند بات ہے کہ ہمارے بچے ان ماحولیاتی خطرات سے بہت جلدی آگاہ ہوگئے جنہیں سمجھنے میں ہمیں طویل عرصہ لگا۔
انہوں نے کہا کہ ماحولیاتی مسائل مستقبل قریب میں سب سے بڑے مسائل ہوں گے اور ہماری نئی نسل ابھی سے ہی ان سے آگاہ ہے۔
پلاسٹک کی تباہ کاری کے بارے میں مزید مضامین پڑھیں
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
