راولپنڈی: پی ایس ایل 10 کے دوبارہ آغاز کے بعد کراچی اور پشاور کے میچ سے قبل کھلاڑیوں اور آفیشلز نے پاک افواج کو زبردست خراج تحسین کیا۔
اے آر وائی نیوز کے مطابق پاکستان سپر لیگ 10 کا میلہ آج سے راولپنڈی میں دوبارہ سج گیا ہے، کراچی کنگز اور پشاور زلمی کے میچ سے قبل کھلاڑیوں اور آفیشلز نے پاک افواج سے اظہاریکجہتی کیا، پاکستان کی بہادر مسلح افواج کو زبردست خراج تحسین پیش کیا گیا۔
وزیرداخلہ اور چیئرمین پی سی ی محسن نقوی نے بھی مسلح افواج کوخراج تحسین پیش کرنے کیلئے پی ایس ایل کی تقریب میں شرکت کی۔
میچ کے آغاز سے قبل شہدائے وطن کی عظیم قربانیوں کو خراج عقیدت پیش کیا گیا، قومی ترانے کے بعد پاکستان زندہ باد کے نعرے لگائے گئے، اسٹیڈیم میں قومی پرچموں کی بہار نظر آئی، میچ سے قبل شاندار آتش بازی کا مظاہرہ بھی کیاگیا۔
