The news is by your side.

Advertisement

کرکٹ کھیلیں، کرونا وائرس سے بھی بچیں؟

ڈھاکا: بنگلہ دیش میں کرونا لاک ڈاؤن سے تنگ شہریوں نے بوریت دور کرنے کے لیے چھت پر کرکٹ کھیلنا شروع کردی۔

غیرملکی خبررساں ادارے کی رپورٹ کے مطابق کرونا وائرس سے پریشان بنگلہ دیش کے شہریوں نے گھر کی چھتوں پر کرکٹ کھیلتے ہوئے فزیکل فاصلہ اپنایا اور کرونا وائرس سے بچنے کا طریقہ بھی متعارف کرایا۔

بنگلہ دیش کے دارالحکومت ڈھاکا کے رہائشی گھر کی چھتوں پر کرکٹ کھیل کر لطف اندوز ہورہے ہیں اورکرونا وائرس سے گھروں میں قید رہتے ہوئے بھی بوریت دور بھگارہے ہیں۔

Kids playing cricket in Bangladesh - YouTube

واضح رہے کہ کرونا وائرس نے دنیا بھر کو اپنی لپیٹ میں لے رکھا ہے جس کے نتیجے میں لاکھوں افراد ہلاک ہوچکے ہیں، کرونا کے سبب کھیلوں کی سرگرمیاں بھی معطل کردی گئی ہیں۔

 چند روز قبل آسٹریلیا کی کرکٹ ٹیم نے بنگلہ دیش دو ٹیسٹ میچز کی سیریز کھیلنے آنا تھا لیکن کرونا کے سبب یہ دورہ بھی ملتوی کردیا گیا تھا۔

ادھر بنگلہ دیشی وکٹ کیپر مشفیق الرحیم کرونا وائرس سے نمٹنے والے فرنٹ لائن سولجرز کی مدد کے لیے میدان میں آگئے انہوں نے 200 پی پی ایز، 200 دستانے، 200 فیس ماسک بوگورا کے علاقے میں ہیلتھ ورکرز کو دئیے۔

یاد رہے کہ کرونا وائرس کے نتیجے میں بنگلہ دیش میں 75 افراد ہلاک ہوچکے ہیں جبکہ کرونا کے کیسز کی تعداد 1838 تک جاپہنچی ہے۔

Comments

یہ بھی پڑھیں