لاہور : لاہورہائی کورٹ میں مظاہرین پر آنسو گیس کےاستعمال کیخلاف درخواست دائر کردی گئی، جس میں کہا گیا عدالت پاکستان میں مظاہرین پرآنسو گیس کے استعمال پر پابندی کا حکم دے۔
تفصیلات کے مطابق مظاہرین پر آنسو گیس کےاستعمال کو لاہورہائی کورٹ میں چیلنج کردیا گیا، جسٹس شاہد کریم نےشہری شیریں نواز کی درخواست پر سماعت کی۔
درخواست میں موقف اختیار کیا گیا کہ آنسو گیس انسانی صحت کیلئے انتہائی مضر اثرات کی حامل ہے، آنسو گیس خطرناک ذرات پر مشتمل ہوتاہے جوپھیپڑوں کومتاثر کرتا ہے اور متاثرہ شخص پھیپڑوں کےکینسر اور سانس کی بیماریوں میں مبتلا ہوتا ہے۔
درخواست میں کہا گیا کہ عالمی جنگوں میں آنسو گیس کو بطور ہتھیار استعمال کیا جاتا رہا، پاکستان میں اپنے ہی لوگوں پر زہریلے آنسوگیس کا استعمال ظلم ہے۔
عالمی کنونشنز میں آنسو گیس کےجنگوں اور مظاہرین پر استعمال کو ممنوع قرار دیا گیا ہے، پاکستان نے ان عالمی کنونشنز میں دستخط کر رکھے ہیں۔
پاکستان میں مظاہرین پر آنسو گیس کا استعمال بغیرکسی قانون کیاجاتاہے، عدالت پاکستان میں مظاہرین پرآنسو گیس کے استعمال پر پابندی کا حکم دے، بعد ازاں عدالت نےدرخواست پرفریقین سےجواب طلب کرلیا۔
