پاکستان، بھارت، سری لنکا سمیت تقریباً پورے بر صغیر میں بارشوں کے موسم کا آغاز ہوچکا ہے، ایسی صورتحال میں مختلف نوعیت کی بیماریوں اور انفیکشن کا پھیلاؤ بھی ہوتا ہے۔
طبی طور پر یہ بات ثابت ہے کہ ہماری صحت کے لیے پھلوں سے بہتر کوئی اور غذا نہیں ہے۔ برسات کے موسم میں ہمیں اپنی خوراک میں پھلوں کو خاص طور سے شامل کرنا چاہئے۔
پیٹ اور ہاضمے کے لیے بھی پھلوں کا کوئی جواب نہیں۔ جو غذائیت، طاقت اور قوت مدافعت ہمیں پھلوں سے ملتی ہے، وہ کسی اور چیز سے نہیں ملتی۔ لیکن ہر پھل کی اپنی اپنی خصوصیت اور افادیت ہوتی ہے، نیز موسم کے اعتبار سے بھی پھل اپنی خاص افادیت رکھتے ہیں۔
مون سون کے موسم میں اگر ہم اپنی خوراک میں آلوبخارے کو شامل کرتے ہیں تو کسی حد تک اس موسمی پھل کے ذریعے انفکشن اور بیماریوں سے محفوظ رہ سکتے ہیں۔
ذائقہ میں آلو بخارہ میٹھا اور کھٹا ہوتا ہے۔ آلو بخارہ دراصل موسم باراں کا پھل ہے اور اس موسم میں جسم کے لیے درکار تمام ضروری غذائی اجزا، معدنیات اور وٹامنز اس میں وافر مقدار میں موجود ہوتی ہیں۔
آلو بخارہ کو وٹامن سی کا بہترین ذریعہ سمجھا جاتا ہے، جو کہ قوت مدافعت بڑھانے اور کئی اقسام کے انفیکشن سے تحفظ فراہم کرنے میں انتہائی مفید ہے۔
آلو بخارے کا استعمال کرکے بھی آپ اپنی صحت بہتر بنا سکتے ہیں۔اس پھل میں بہت سے طاقتور اینٹی آکسیڈنٹس ہوتے ہیں، جو کئی دائمی بیماریوں کے خطرے کو کم کر سکتے ہیں۔
اس پھل میں ہڈیوں کے لیے ضروری کئی غذائی اجزا شامل ہوتے ہیں،اس کی مدد سے ہڈیوں کو صحت مند اور مضبوط رکھنے میں خاص طور سے مدد ملے گی۔
مون سون بیماریوں کی ادویات کی مارکیٹ میں دستیابی کے لیے اہم قدم
یہ پھل خوبصورتی اور جلد میں نکھار پیدا کرتا ہے۔ اس پھل کو مختلف قسم کے لذیذ پکوان بنانے میں بھی استعمال ہوتا ہے۔
