اسلام آباد: وزیراعظم شہبازشریف نے خاتون رپورٹرصدف نعیم کے اہلخانہ کیلئے 50 لاکھ مالی امداد کا اعلان کردیا۔
تفصیلات کے مطابق وزیراعظم شہبازشریف نے خاتون رپورٹرصدف نعیم کے اہلخانہ کیلئے 50 لاکھ مالی امداد کا اعلان کرتے ہوئے متعلقہ حکام کو فوری طور پر چیک اہلخانہ کے حوالے کرنے کی ہدایت کردی۔
شہبازشریف نے رپورٹر صدف نعیم کے شوہر سے ٹیلی فونک رابطہ کرکے اظہارافسوس اور تعزیت کیا۔
وزیراعظم نے مرحومہ کے شوہر سے گفتگو میں کہا کہ غم کی اس گھڑی میں آپ کے ساتھ ہیں، جانی نقصان کا ازالہ ہرگز ممکن نہیں، پسماندگان سے ہرممکن تعاون اور مدد کریں گے۔
یاد رہے گذشتہ روز رپورٹر صدف نعیم عمران خان کےلانگ مارچ کےکنٹینر سے گرکرجاں بحق ہوگئی تھیں۔
