مظفرآباد : وزیر اعظم آزاد کشمیر سردار فاروق حیدر خان کا کہنا ہےکہ اقوام متحدہ حریت پسند رہنما یاسین ملک کی غیر قانونی حراست کا نوٹس لے۔
تفصیلات کےمطابق وزیر اعظم آزاد کشمیر سردار فاروق حیدر خان نےاقوام متحدہ کے سیکریٹری جنرل بان کی مون کو خط لکھا ہے کہ جس میں انہوں نے یاسین ملک کی رہائی کے لیے اقدامات کرے۔
وزیراعظم آزادکشمیر نے خط میں لکھا ہےکہ کشمیری رہنما یاسین ملک کی صحت انتہائی خراب ہے، بھارت نے یاسین ملک کو غیر قانونی طور پر حراست میں رکھا ہوا ہے۔
سردار فاروق حیدر خان نے آزادکشمیر میں کنٹرول لائن کے مختلف سیکٹرز سماہنی،بھمبر، نکیال اور عباس پور کافضائی دورہ کیااور کنٹرول لائن پر بھارتی گولہ باری و فائرنگ سے متاثرہ لوگوں سےبھی ملاقات کی۔
مزیدپڑھیں: کشمیر کبھی بھارت کا حصہ تھا اور نہ رہے گا،فاروق حیدر
واضح رہے کہ گزشتہ ہفتے وزیراعظم آزادکشمیر فاروق حیدر کا کہناتھا کہ جنگ کی قیمت کا بھارت کو بھی اندازہ ہے اور کشمیرکبھی ہندوستان کا حصہ تھا نہ رہے گا۔
