دختر مشرق اور عالم اسلام کی پہلی وزیراعظم کا اعزاز پانے والے شہید محترمہ بے نظیر بھٹو کی آج سالگرہ منائی جارہی ہے۔
اکیس جون انیس سو ترپن کو سابق وزیراعظم ذوالفقار علی بھٹو اور نصرت بھٹو کے گھر ننھی پری نے آمد ہوئی، جس کا نام والد نے اپنی بہن کی نسبت سے بے نظیر رکھا۔ ذوالفقار علی بھٹو اپنی لاڈلی کو پنکی کہہ کر پکارتے تھے۔
انہوں نے ابتدائی تعلیم لیڈی جیننگز نرسری اسکول کراچی میں حاصل کی اور پندرہ سال کی عمر میں اولیول کا امتحان پاس کیا،اپریل انیس تہتر میں ہارورڈ یونیورسٹی سے پولیٹیکل سائنس میں گریجویشن اور آکسفورڈ یونیورسٹی سےسیاسیات میں ایم اے کیا۔
یہ بھی پڑھیں: بے نظیر بھٹو کے بارے میں دلچسپ حقائق
شہید بینظیر بھٹو اپنے نام کی طرح ایک بے نظیر رہنما، بے مثال شخصیت کی مالک، باوقار ماں، اور ایک بہادر بیٹی تھیں، جنہیں کم عمری میں ہی سیاست کے میدان میں قدم رکھنا پڑا۔
"Oppression does not know the meaning of provincial boundaries. aren't our energies better spent fighting the common enemy instead of each other?
— Shaheed Mohtarma Benazir Bhutto#HappyBirthdaySMBB pic.twitter.com/MnykMMdLvX— PPP (@MediaCellPPP) June 21, 2022
بی بی نے ابھی تعلیم مکمل ہی کی تھی کہ ان کے والد ذوالفقار علی بھٹو کی حکومت کا تختہ الٹ دیا گیا، والد کو پھانسی کے بعد بینظیر بھٹو کو نظربندی اور جلاوطنی کی صعوبتیں بھی برداشت کرنی پڑیں۔
انیس سو چھیاسی میں بینظیر بھٹو وطن واپس آئیں تو لاہور میں لاکھوں افراد نے ان کا پرتپاک استقبال کیا، 1988 میں بے نظیر بھٹو تاریخ کی سب سے کم عمر اور اسلامی دنیا کی پہلی خاتون وزیراعظم منتخب ہوئیں، تاہم 20 ماہ بعد ہی ان کی حکومت برطرف کردی گئی۔
محترمہ بے نظیربھٹو نے ملک کی وزیرِاعظم کے طور پر خواتین کیلئے بے شمار کام کیے، انہوں نے آئینِ پاکستان سے خواتین کے خلاف امتیازی قوانین ختم کرتے ہوئے ریاست میں انہیں مردوں کے برابر حقوق دلانے میں اہم کردار ادا کیا۔
