اسلام آباد: وزیر اعظم شاہد خاقان عباسی کی زیر صدارت وفاقی کابینہ کا اجلاس ہوا جس میں تعلیم کے شعبے میں پاکستان اور کرغزستان میں تعاون بڑھانے کے معاہدے کی منظوری دے دی گئی۔
تفصیلات کے مطابق آج وزیر اعظم شاہد خاقان عباسی کی زیر صدارت وفاقی کابینہ کا اجلاس ہوا، جہاں وزیر اعظم نے فاٹا اصلاحات سے متعلق پارلیمانی رہنماؤں کے اجلاس پر وفاقی کابینہ کو اعتماد میں لیا اور وفاقی کابینہ کی اقتصادی رابطہ کمیٹی کے فیصلوں کی توثیق بھی کر دی ہے۔
اجلاس میں زرعی شعبے کے حوالے سے تعاون پر پاکستان اور چین کے درمیان مفاہمتی یاد داشت کی منظوری دی گئی اور دنوں ملکوں کے درمیان تعلقات کو مزید مضبوط بنانے پر زور دیا گیا، علاوہ ازیں مجرموں کے تبادلے پر پاکستان اور اردن میں معاہدے کی اجازت دی گئی ہے۔
وزیر اعظم کی زیر صدارت وفاقی کابینہ کا اجلاس، حج پالیسی میں بہتر سہولیات کی ہدایت
وفاقی کابینہ کے اجلاس میں نادرا سروسز کے حوالے سے صومالیہ کے لیے 14 ملین ڈالر کی کریڈٹ فیسلٹی کی سمری منظور ہوئی، جبکہ رہنماؤں نے اقبال اکیڈمی لاہور کے نائب صدر، خزانچی اور گورننگ باڈی کے ارکان کی منظوری دی ہے۔
علاوہ ازیں وزیر اعظم کی زیر صدارت اجلاس میں احمد اویس کی ممبر ٹیکنیکل کمیپٹشن ایپلٹ ٹریبونل دوبارہ تعیناتی کی سمری کی منظوری سمیت میڈیکل کالجز کے معائنے سے متعلق نئے پروفارما کی بھی منظوری دے دی گئی ہے۔
وزیراعظم کی زیر صدارت وفاقی کابینہ کا اجلاس: قومی اداروں سے متعلق اہم فیصلے
خیال رہے کہ گذشتہ دنوں وزیر اعظم شاہد خاقان عباسی کی زیر صدارت وفاقی کابینہ کا اجلاس ہوا تھا جہاں وفاقی کابینہ کو حج پالیسی 2018 پر عمل در آمد کے حوالے سے بریفنگ دی گئی تھی، جس کے بعد وزیر اعظم نے حجاج کو مناسب قیمت پر بہترین سہولتیں فراہم کرنے کی ہدایت کر دی ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
