اسلام آباد:صدرمملکت، وزیراعظم اورآرمی چیف نے جیولین تھرو میں عالمی ریکارڈ بنانے اور کامن ویلتھ گیمز میں طلائی تمغہ جیتنے پر ارشد ندیم کو مبارک باد پیش کی ہے۔
تفصیلات کے مطابق آرمی چیف نے ارشد ندیم کو کامن ویلتھ گیمزمیں غیرمعمولی کارکردگی پرمبارکباد دیتے ہوئے کہا کہ ارشد ندیم نے نیاریکارڈ قائم کرکے تاریخ رقم کی، ارشد ندیم قوم کا فخراورہمارا قومی ہیروہے۔
مسلح افواج کی جانب سے بھی ارشد ندیم کو کامن ویلتھ گیمز میں شاندار کارکردگی کے مظاہرہ اور جیولین تھرو میں پاکستان کے لیے گولڈ میڈل جیتنے پر مبارکباد پیش کی گئی ہے۔
General Qamar Javed Bajwa, COAS congratulates Arshad Nadeem for creating history with his exceptional performance in #CWG setting a new record. “Arshad Nadeem is pride of the nation and our national Hero” COAS pic.twitter.com/oh1BY5R59h
— DG ISPR (@OfficialDGISPR) August 7, 2022
ڈی جی آئی ایس پی آر نے اپنے ٹویٹ میں ارشد ندیم کی غیر معمولی کارکردگی کو زبردست سراہتے ہوئے کہا کہ ارشد ندیم نے پاکستان کا سر فخر سے بلند کیا ہے۔ پاکستان زندہ باد۔
صدرمملکت ڈاکٹر عاف علوی کی جانب سے بھی پاکستانی اتھلیٹ ارشد ندیم کو جیولین تھرو میں ریکارڈ قائم کرنے اور کامن ویلتھ گیمز دو ہزار بائیس میں طلائی تمغہ جیتنے پر مبارک باد دی گئی ہے ۔
اپنے ٹویٹ میں صدر مملکت نے کہا کہ آپ قوم کا فخر ہیں، طلائی تمغہ جیتنے پر آپ کوبہت بہت مبارک ہو۔
ارشد ندیم کو جیولین تھرو میں ریکارڈ قائم کرنے اور کامن ویلتھ گیمز 2022 میں طلائی تمغہ جیتنے پر بہت بہت مبارک ہو۔
آپ قوم کا فخر ہیں۔#CommonwealthGames2022 #CWC2022 pic.twitter.com/UuBfWEtmPm— The President of Pakistan (@PresOfPakistan) August 7, 2022
وزیراعظم شہباز شریف نے بھی ارشد ندیم کو گولڈ میڈل حاصل کرنے پر مبارکباد پیش کی ہے۔
یہ بھی پڑھیں: خوشی ہے14اگست کو جشن آزادی میڈلز کے ساتھ منائیں گے، ارشد ندیم
سماجی رابطے کی ویب سائٹ ٹوئٹر پر جاری بیان میں وزیراعظم شہباز شریف نے کامن ویلتھ یمز میں ارشد ندیم کو جیولین تھرو کے فائنل میں گولڈ میڈل حاصل کرنے پر مبارک باد دیتے ہوئے کہا کہ آج صبح بیدار ہوتے ہی بہت خوشی کی خبر سنی۔
What an amazing news to wake up to early this morning! Arshad Nadeem has done Pakistan proud by winning the first gold medal in Commonwealth Games. His consistency, passion & hard work hold lessons for our youth. Congratulations Arshad on your brilliant achievement.
— Shehbaz Sharif (@CMShehbaz) August 8, 2022
وزیراعظم نے کہا کہ ارشد ندیم نے کامن ویلتھ گیمز میں پہلا گولڈ میڈل جیت کر پاکستان کا سر فخر سے بلند کر دیا ہے ۔
ارشد ندیم کی مستقل مزاجی، جذبہ اور محنت ہمارے نوجوانوں کے لیے سبق آموز ہے ۔
