اسلام آباد: وزیراعظم عمران خان نے خیبرپختونخوا کو یونیورسل ہیلتھ کوریج دینے والا پہلا صوبہ بننے پر مبارک باد پیش کرتے ہوئے کہا مفت صحت سہولت کےتحت سالانہ ہر خاندان10 لاکھ تک کاعلاج کراسکے گا۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا ہے کہ کے پی شہریوں کویونیورسل ہیلتھ کوریج دینے والا پہلا صوبہ بن گیا، خیبرپختونخوا کومبارکبادپیش کرتا ہوں، کےپی کے4کروڑشہریوں کوہیلتھ انشورنس کی سہولت دی گئی ہے، مفت صحت سہولت کےتحت سالانہ ہر خاندان10 لاکھ تک کاعلاج کراسکے گا، ہیلتھ انشورنس کے تحت 400سرکاری ونجی اسپتالوں میں علاج کرایا جاسکتا ہے۔
Congratulations to KP govt for making KP first province in Pak with Universal Health Coverage for all KP-domiciled citizens. 40,000,000 residents covered with free health insurance. Free treatment upto Rs1,000,000 per family per year in over 400 govt/private hospitals across Pak.
— Imran Khan (@ImranKhanPTI) February 1, 2021
دوسری جانب ترجمان کےپی حکومت کامران بنگش نے اپنے پیغام میں کہا ہے کہ کےپی حکومت کاشہریوں کوبلا امتیاز صحت کارڈ دینے کا وعدہ مکمل کردیا ہے ، صوبائی حکومت کی جانب سے عوام کو صحت کارڈ پلس کی سہولت مبارک ہو۔
کامران بنگش کا کہنا تھا کہ پی ٹی آئی حکومت نے عوام سے کیا گیا ایک اور وعدہ نبھایا، جنوبی اضلاع کےشہریوں کیلئے صحت کارڈپلس آج دے رہے ہیں، وزیراعلیٰ کے پی محمودخان آج ڈی آئی خان اورٹانک کا دورہ کریں گے ، عمران خان کے وژن کے مطابق اسلامی فلاحی ریاست کیلئے کوشاں ہیں۔
