The news is by your side.

وزیراعظم کا ترک صدر اور شاہ بحرین سے رابطہ

وزیراعظم شہبازشریف نے ترک صدر رجب طیب اردوان اور بحرین کے شاہ حمد بن عیسیٰ الخلیفہ سے ٹیلیفونک رابطہ کر کے عید کی مبارکباد دی ہے۔

تفصیلات کے مطابق وزیراعظم شہبازشریف نےترک صدر کو ٹیلیفون کیا اور عید کی مبارکباد دیتے ہوئے ترک قیادت اور عوام کیلئے نیک تمناؤں کا اظہار کیا۔ وزیراعظم نے ترک صدر کو دورہ پاکستان کی دعوت بھی دی۔

وزیراعظم بحرین کےشاہ حمد بن عیسیٰ الخلیفہ کو فون کر کے عیدالفطر کی مبارکباد دی۔ وزیراعظم نے کہا کہ بحرین کیساتھ برادرانہ تعلقات کوقدرکی نگاہ سےدیکھتےہیں اور دوطرفہ تعاون کو مزید فروغ دینے کےلیے پُرعزم ہیں۔

شاہ حمد بن عیسیٰ الخلیفہ نے شہبازشریف کو وزارت عظمیٰ سنبھالنے پر مبارکباد دی اور پاکستان سے دوطرفہ تعلقات کو وسعت دینےکے عزم کا اعادہ کیا۔ انہوں نے کہا کہ وزیراعظم شہبازشریف کیساتھ مل کرکام کرنے کے خواہاں ہیں۔

Comments

یہ بھی پڑھیں