The news is by your side.

Advertisement

وزیراعظم نے مشترکہ مفادات کونسل کا اجلاس آج طلب کرلیا

اسلام آباد: وزیراعظم عمران خان نے مشترکہ مفادات کونسل کا اجلاس آج طلب کرلیا ہے۔

تفصیلات کے مطابق وزیراعظم عمران خان کی زیرصدارت مشترکہ مفادات کونسل کا اجلاس آج ہوگا، اجلاس میں چاروں صوبوں کے وزرائے اعلیٰ شریک ہوں گے۔

ذرائع کا کہنا ہے کہ اجلاس کے ایجنڈے میں اٹھارھویں ترمیم کے بعد ہائرایجوکیشن کے معاملات پرگفتگو ہوگی، اس کے علاوہ مشترکہ مفادات کونسل میں پانی کی تقسیم کا معاملہ بھی زیرغور آئے گا جبکہ صوبوں کے مسائل پربھی گفتگو ہوگی۔

وزیراعلیٰ سندھ مرادعلی شاہ مشترکہ مفادات کونسل کے اجلاس میں شرکت کے لئے اسلام آباد پہنچ چکے ہیں، مرادعلی شاہ آج رات سندھ ہاؤس میں قیام کریں گے، ترجمان سندھ حکومت مرتضیٰ وہاب بھی وزیراعلیٰ کےساتھ ہیں۔

مشترکہ مفادات کونسل یا سی سی آئی پاکستان کا ایک آئینی ادارہ ہے جس کا مقصد وفاق اور صوبوں کے درمیان اختیارات اور دیگر معاملات پر جاری اختلافات کو ختم کرنا ہے۔

مشترکہ مفادات کونسل کو 1973ء کی آئین کی روشنی میں قائم کیا گیا تھا، سابق صدر مشرف اور زرداری دور میں یہ کیبنٹ ڈویژن کے ماتحت ادارہ تھا، آئین پاکستان میں اٹھارہویں ترمیم کے بعد یہ ادارہ وزارتِ بین الصوبائی ہم آہنگی کو سونپا گیا ہے، سی سی آئی بنیادی طور پر وزیر اعظم پاکستان اور چاروں صوبائی وزرائے اعلیٰ پر مشتمل ہوتا ہے۔

Comments

یہ بھی پڑھیں