اسلام آباد : وزیر اعظم عمران خان نے فیڈرل بورڈ آف ریونیو کو ایمانداری اور پرُعزم انداز سے کام جاری رکھنے کی ہدایت کردی۔
ان خیالات کا اظہار وزیراعظم عمران خان نے سماجی رابطے کی ویب سائٹ ٹوئٹر پر ایف بی آر کی ٹیکس وصولی کو سراہتے ہوئے کیا، انہوں نے کہا کہ فیڈرل بورڈ آف ریونیو کو 7 ماہ میں ٹیکس وصولی کا ہدف حاصل کرنے پر سراہتا ہوں۔
وزیراعظم نے اپنے ٹوئٹ میں کہا کہ ایف بی آر نے سخت آڈٹ اور انسداد منشیات کے اقدامات سے ہدف حاصل کیا، ایف بی آر کو ایمانداری اور پُرعزم انداز سےکام جاری رکھنا ہوگا۔
عمران خان کا ٹوئٹر پر جاری بیان میں کہنا تھا کہ ایف بی آر ہیڈ آفس ٹیم کو ٹرانس فارمیشن پلان اور جدید نظام بنانے پر سراہتا ہوں، نظام جولائی سے پوری طرح کام شروع کردے گا۔
وزیراعظم عمران خان کا کہنا تھا کہ نظام کے تحت سیکڑوں ارب کی اضافی ٹیکس وصولی کی جاسکے گی اور نظام سے جعلی چیزوں کی روک تھام اور قانون کی حکمرانی قائم کی جاسکے گی۔
Also commend FBR Headoffice Team for developing the IT-enabled Transformation Plan & procuring cutting-edge Track & Trace System. Once fully functional in July 2021, it would add 100s of billions of additional revenue, curb counterfeiting and help establish rule of law.
— Imran Khan (@ImranKhanPTI) February 20, 2021
