The news is by your side.

Advertisement

وزیر اعظم کی معاشی ٹیم کا اجلاس، سرمایہ کاروں کیلئے آسانیاں پیدا کرنے کیلئے اقدامات پر غور

اسلام آباد : وزیر اعظم کی معاشی ٹیم نے ملک کی معاشی ترقی کیلئے اہم اقدامات کا فیصلہ کیا ہے، اجلاس میں معاشی سرگرمیوں کے فروغ اور سرمایہ کاروں کیلئے آسانیاں پیدا کرنے کیلئے اقدامات پر غور کیا گیا۔

تفصیلات کے مطابق مشیر خزانہ ڈاکٹرعبدالحفیظ شیخ کی زیرصدارت وزیر اعظم کی معاشی ٹیم کا اجلاس ہوا، اجلاس میں وزیر منصوبہ بندی، وفاقی وزیر برائے اقتصادی امور، مشیر تجارت، چیئرمین ایف بی آر، ڈپٹی چیئرمین پلاننگ کمیشن اور سیکریٹری خزانہ و دیگر نے شرکت کی۔

اجلاس میں معاشی سرگرمیوں کے فروغ اور سرمایہ کاروں کیلئے آسانیاں پیدا کرنے کیلئے اقدامات پر غور کیا گیا، اجلاس میں فیصلہ کیا گیا کہ صوبائی حکومتوں سے مل کر اسپیشل اکنامک زونز، ایکسپورٹ پراسیسنگ زونز آپریشنلائز کیے جائیں گے۔

اس کے علاوہ ترقیاتی فنڈز کی ریلیز اور استعمال کیلئے پروسیجزز کو آسان بنانے کا فیصلہ بھی کیا گیا، جاری اعلامیہ کے مطابق ایگری کلچر ایمرجنسی پروگرام صوبائی حکومتوں کے تعاون سے مؤثر انداز سے نافذ کرنے کا فیصلہ کیا گیا ہے۔

وزیر اعظم عمران خان زرعی منصوبوں کے نفاذ اور پیشرفت کی خود نگرانی کریں گے، اجلاس میں احساس پروگرام کے مختلف پہلوؤں پر پیشرفت کا بھی جائزہ لیا گیا۔

اس موقع پر وزیر منصوبہ بندی نے شرکاء کو پی ایس ڈی پی کے تحت جاری میگا منصوبوں پر پیشرفت پر بریفنگ دی، وزیر منصوبہ بندی نے میگا منصوبوں پر تیزرفتارعملدرآمد کیلئے مکمل روڈمیپ پیش کیا۔

اجلاس کے اعلامیہ میں کہا گیا ہے کہ وفاقی وزیر خسرو بختیار نے جاری منصوبوں کو پایہ تکمیل تک پہنچانے کی یقین دہانی کرائی ہے۔

Comments

comments

یہ بھی پڑھیں