کراچی: وزیراعظم عمران خان نے نیک تنماؤں کا اظہار کرتے ہوئے بنگلادیش کرکٹ ٹیم کو خوش آمدید کہا۔
اے آر وائی نیوز کے مطابق سماجی رابطے کی ویب سائٹ ٹوئٹر پر عمران خان نے ملک میں ٹیسٹ کرکٹ کی بحالی کو خوش آئند قرار دیا۔ ان کا کہنا تھا کہ بنگلادیش کرکٹ ٹیم کو پاکستان میں خوش آمدید کہتا ہوں۔
وزیراعظم نے لکھا کہ پاکستان میں ٹیسٹ کرکٹ کی بحالی خوش آئند ہے۔
خیال رہے کہ راولپنڈی میں بنگلادیش اور قومی ٹیم کے درمیان ٹیسٹ میچ جاری ہے۔ پاکستان اور بنگلا دیش کے درمیان کھیلے جانے والے پہلے ٹیسٹ کے دوسرے دن کا کھیل اختتام پذیر ہوگیا، پاکستان نے 3 وکٹوں پر 342 رنز بنالیے، بابراعظم 143 اور اسدشفیق 60 رنز کے ساتھ وکٹ پر موجود ہیں۔
راولپنڈی ٹیسٹ: دوسرے روز کا اختتام، پاکستان نے 3 وکٹوں پر 342 رنز بنالیے
پاکستان نے پہلی اننگز میں بنگلادیش پر 109رنز کی برتری حاصل کرلی، بنگلادیش کی ٹیم پہلے دن 233 رنز بنا کر آؤٹ ہو گئی تھی، بنگلا دیش کے خلاف اپنی پہلی اننگز کا آغاز کرتے ہی پاک ٹیم کے اوپنر عابد علی بغیر کوئی رن بنائے آؤٹ ہو گئے، عابد علی بھارتی کرکٹر محمد اظہر الدین کی مسلسل تیسرے ٹیسٹ میں سنچری کا ریکارڈ برابر نہ کر سکے۔
