اسلام آباد : وزیراعظم شہباز شریف امت مسلمہ کو حج کی مبارکباد پیش کرتےہوئے کہا اللہ ہمیں بحیثیت قوم معاشی خودانحصاری کی منزل عطافرمائے۔
تفصیلات کے مطابق وزیراعظم شہباز شریف نے سماجی رابطے کی ویب سائٹ ٹوئٹر پر حج کی سعادت حاصل کرنے والے حجاج سمیت پوری امت کو مبارکباد پیش کرتے ہوئے کہا کہ اللہ تعالیٰ سے عالم انسانیت اور مسلمانوں پر رحم ، امت کے اتحاد،ترقی وخوشحالی اور وباؤں سے نجات ، مقبوضہ فلسطین اور کشمیرکی آزادی کی دعا کی اپیل کرتا ہوں۔
حج اکبر کی سعادت حاصل کرنے والے حجاج سمیت پوری امت کو مبارک پیش کرتا ہوں۔ اللہ تعالیٰ کے عالم انسانیت بالخصوص مسلمانوں پر اس کے رحم، امت کے اتحاد، ترقی و خوش حالی، وباؤں سے نجات، مقبوضہ فلسطین اور کشمیر کی آزادی اور مظلوم انسانیت کے دکھوں اور مصائب سے نجات کی دعا کی اپیل کرتا ہوں
— Shehbaz Sharif (@CMShehbaz) July 8, 2022
شہباز شریف کا کہنا تھا کہ اللہ ہمیں بحیثیت قوم معاشی خودانحصاری کی منزل عطافرمائے، شہدا کے درجات کی بلندی اور لواحقین کیلئے صبر جمیل کی خصوصی دعا کرتے ہیں۔
اللہ تعالیٰ آج کے دن کی برکت سے پاکستان کو قرض کی دلدل سے نکال دے، ہمیں بحثیت قوم معاشی خود انحصاری کی منزل عطا فرمائے۔ شہدا کے درجات کی بلندی اور لواحقین کے لئے صبر جمیل کی خصوصی دعا کرتے ہیں۔
— Shehbaz Sharif (@CMShehbaz) July 8, 2022
خیال رہے دنیا بھر سے حجاز مقدس آئے لاکھوں مسلمان آج حج کا رکن اعظم وقوف عرفہ ادا کررہے ہیں، مسجد نمرہ سے خطبہ حج دیا جائے گا۔
خطبہ حج کے بعد ظہر اور عصر کی نماز قصر کے ساتھ ادا کی جائے گی، عازمین حج نے رات منیٰ میں گزاری۔۔ عبادات، تلاوت اور استغفار میں مصروف رہے اور نماز فجر کے بعد عازمین میدان عرفات روانہ ہوئے۔
