The news is by your side.

Advertisement

وزیراعظم ہاؤس میں9 اپریل کو کیا ہوا؟ شیخ رشید نے بتادیا، ویڈیو دیکھیں

راولپنڈی : وزیراعظم ہاؤس میں نو اپریل کی رات کیا ہوا؟ اس حوالے سے سابق وزیر داخلہ شیخ رشید نے میڈیا کو اہم بات بتادی۔

عوامی مسلم لیگ کے سربراہ شیخ رشید نے اے آر وائی نیوز سے خصوصی گفتگو کی جس میں انہوں نے اس اہم راز سے بھی پردہ اٹھایا جو آج کل بہت زیادہ بحث کا موضوع بنا ہوا ہے۔

شیخ رشید نے کہا کہ جب پارلیمنٹ میں قیدیوں کی وین آجائے، رات کو عدالتیں کھل جائیں تو سمجھ میں آجاتا ہے کہ کیا ہونے والا ہے۔

انہوں نے کہا کہ بات ہورہی تھی کہ وزارت اعلیٰ سے استعفیٰ دینا ہے یا نہیں؟ یہی بڑا مسئلہ تھا۔ بعض لوگوں کا خیال تھا کہ اندر مقابلہ کیا جائے جبکہ بعض لوگوں کہہ رہے تھے کہ حالات کا سڑکوں پر مقابلہ کیا جائے۔

عوامی مسلم لیگ کے سربراہ شیخ رشید کا اے آر وائی نیوز سے گفتگو میں مزید کہنا تھا کہ قیدیوں کی وین آنا، قابل احترام ججز کا رات کوعدالت لگانا، عمران خان30سال سے سیاسی ورکر ہیں، سمجھ آرہی تھی کیا ہونے جا رہا ہے۔

ایک سوال کے جواب میں شیخ رشید نے کہا کہ آرٹیکل سکس کی ضرورت نہیں، عمران کو ویسے ہی گرفتار کیا جاسکتا ہے، عمران خان بدھ کو پشاور اور پھر کراچی جائیں گے، اتوار کو تروایح سے سحری تک احتجاج کی کال دیں گے۔

Comments

یہ بھی پڑھیں