اسلام آباد : وزیراعظم عمران خان نے کامیاب جوان پروگرام لانچ کرنےکی منظوری دے دی ، وزیرِ اعظم کامیاب جوان پروگرام کا باقاعدہ آغاز ستمبر کے پہلے ہفتے میں کریں گے، 10 لاکھ نوجوان براہ راست پروگرام سے مستفید ہو سکیں گے۔
تفصیلات کے مطابق وزیر اعظم عمران خان کی زیر صدارت اجلاس ہوا ، جس میں معاون خصوصی یوتھ افیئر عثمان ڈار نے نوجوانوں کی ترقی،کاروبارکی فراہمی کے لئے’’کامیاب جوان‘‘پروگرام پر بریفنگ دی اور عمران خان کو منصوبے کے خدو خال سے تفصیلی طور پر آگاہ کیا، 10 لاکھ نوجوان براہ راست پروگرام سے مستفید ہو سکیں گے۔
اجلاس میں نعیم الحق،قائم مقام گورنراسٹیٹ بینک ، صدر نیشنل بینک،صدربینک آف خیبر صدر بینک آف پنجاب نے شرکت کی جبکہ چیئرمین نادرا، چیئرمین این ٹی سی، چیئرمین این آئی ٹی بی اور سینئر افسران بھی شریک تھے۔
وزیرِ اعظم نے کامیاب جوان پروگرام ترتیب دینے پر معاون خصوصی برائے امور نوجوانان محمد عثمان ڈار کی کاوشوں کو سراہتے ہوئے کہا ہے کہ پاکستانی نوجوانوں میں بے پناہ صلاحیت موجود ہے ، مناسب مواقع ملنے پر وہ ہر میدان میں اپنی صلاحیتوں کا سکہ منواتے ہیں،چھوٹی اور درمیانے درجے کی صنعتوں کی ترقی کے فروغ میں بھی معاون ثابت ہوگا۔
کامیاب جوان پروگرام کا باقاعدہ آغاز وزیرِ اعظم ستمبر کے پہلے ہفتے میں کریں گے۔
یاد رہے رواں سال مئی میں وفاقی کابینہ نے ” کامیاب جوان ” پروگرام کی اصولی منظوری تھی ، عثمان ڈار کا کہنا تھا نوجوانوں حکومتی منصوبے سے فائدہ اٹھانے کے لیےتیار ہو جائیں، کامیاب جوان پروگرام ملک کے نوجوانوں کی قسمت بدل سکتا ہے۔
بعد ازاں اقوام متحدہ نے “کامیاب جوان پروگرام” کی کامیابی کے لئے تعاون کی پیشکش کی تھی ، حکام کا کہنا تھا کہ اقوام متحدہ مالی اورتکنیکی معاونت فراہم کرنے کے لئے تیار ہے جبکہ کا کہنا تھا عثمان ڈاراقوام متحدہ کےساتھ مل کرنوجوانوں کی فلاح وبہبودپرکام کریں گے۔
خیال رہے جولائی میں وزیراعظم عمران خان نے ’اسٹارٹ اپ پاکستان پروگرام‘ کو جلد شروع کرنے کا فیصلہ کیا تھا ، پروگرام کا مقصد نوجوانوں کو بااختیار بنانا اور ملک میں اونٹری پرینورشپ کے کلچر کو فروغ دینا ہے۔
