اسلام آباد : وزیراعظم عمران خان شنگھائی تعاون تنظیم کے سربراہی اجلاس میں شرکت کیلئے تاجکستان پہنچ گئے، دورے کے دوران وزیرِ اعظم کی ایران، قازقستان ، بیلاروس اور ازبکستان کے صدور سے ملاقاتیں بھی ہوں گی۔
تفصیلات کے مطابق وزیراعظم عمران خان 2روزہ دورے پر تاجکستان پہنچ گئے ، تاجک وزیراعظم قاہر رسول زادہ نے وزیر اعظم عمران خان کا استقبال کیا، وفاقی وزرا شاہ محمودقریشی،فوادچوہدری،علی زیدی ، مشیر سلامتی معیدیوسف، مشیر تجارت عبدالرزاق داؤد وزیراعظم کے ہمراہ ہیں۔
Prime Minister @ImranKhanPTI arrives in Tajikistan.
The Prime Minister was received by Tajik Prime Minister Kokhir Rasulzoda and was accorded a red carpet welcome at Dushanbe International Airport, Tajikistan.#PMIKvisitsTajikistan#PMIKatSCOSummit pic.twitter.com/rNVBzOFRRR
— Prime Minister's Office, Pakistan (@PakPMO) September 16, 2021
وزیر اعظم تاجکستان میں شنگھائی تعاون تنظیم کے سربراہی اجلاس میں شرکت کریں گے ، دورے کے دوران وزیرِ اعظم کی ایران، قازقستان ، بیلاروس اور ازبکستان کے صدور سے ملاقاتیں بھی ہوں گی۔
وزیر اعظم تاجک کے صدر سےملاقات کےلیےصدارتی محل کا دورہ بھی کریں گے اور تاجکستان میں مشترکہ بزنس فورم سے خطاب بھی کریں گے، بزنس کانفرنس میں کاروباری روابط کو بڑھانے پر بات ہوگی۔
یاد رہے وفاقی وزیر فواد چوہدری کا کہنا تھا کہ وزیراعظم کو تاجکستان کے صدرنے دورے کی دعوت دی تھی، تاجکستان اور پاکستان کے قریبی برادرانہ تعلقات ہیں۔
وفاقی وزیر اطلاعات نے مزید کہا تھا کہ وزیراعظم کے دورہ تاجکستان سے افغانستان میں ہمارے نظریہ کو تقویت ملے گی، وژن سینٹرل ایشیاپاکستان کی فارن پالیسی کا کلیدی حصہ ہے، وزیراعظم جب بھی بیرون ملک دورےپر گئے،پاکستان کا وقار بلند کیا۔