The news is by your side.

Advertisement

کالعدم تحریک لبیک کے معاملات پر کل کابینہ میں بحث ہوگی، اہم فیصلے متوقع

اسلام آباد : وزیراعظم عمران خان کو کالعدم جماعت سے ہونے والے مذاکرات سے متعلق آگاہ کردیا گیا ، کالعدم جماعت تحریک لبیک کے معاملات پرکل کابینہ میں بحث ہوگی، جس کے بعد اہم فیصلے متوقع ہے۔

تفصیلات کے مطابق کالعدم جماعت اور تاجروں کے احتجاج کے معاملے پر وزیراعظم عمران خان کی زیرصدارت بنی گالہ میں اہم اجلاس ہوا۔

ذرائع نے بتایا اجلاس میں کالعدم جماعت سے مذاکرات پر بریفنگ دی گئی، وزیراعظم کو وزیر داخلہ شیخ رشید اور وزیرمذہبی امور نورالحق قادری نے بریفنگ دی۔

ذرائع کے مطابق اجلاس کے دوران شیخ رشیدنے وزیر اعظم کو کالعدم جماعت سے مذاکرات سمیت دیگر امور سے آگاہ کیا۔

ذرائع کا کہنا ہے کہ کالعدم جماعت تحریک لبیک کے معاملات پرکل کابینہ میں بحث ہوگی اور وفاقی کابینہ میں موجودہ صورتحال کے پیش نظراہم فیصلے متوقع ہیں۔

یاد رہے حکومت پاکستان کے کالعدم تحریک لبیک پاکستان (ٹی ایل پی) کے ساتھ مذاکرات کامیاب ہوگئے تھے، وفاقی وزیر داخلہ شیخ رشید کا کہنا تھا کہ گرفتاریوں اور دیگر مطالبات پر کافی سارے نکات طے ہوئے ہیں، منگل تک ان کے مطالبات کو حتمی شکل دیں گے۔

Comments

یہ بھی پڑھیں