The news is by your side.

Advertisement

وزیراعظم عمران خان کی زیرصدارت پی ٹی آئی کور گروپ کا اجلاس آج ہوگا

اسلام آباد : وزیراعظم کی زیرصدارت پی ٹی آئی کور گروپ کا اجلاس آج ہوگا ، جس میں وزیر اعظم کور گروپ کو تحقیقاتی کمیشن سے متعلق اعتماد میں لیں گے اور بجٹ کی منظوری سمیت اہم امور پر مشاورت ہوگی۔

تفصیلات کے مطابق پاکستان تحریک انصاف کے کور گروپ کا اجلاس آج طلب کرلیاگیا ، اجلاس کی زیرصدارت وزیراعظم کریں گے، اجلاس 4 بجے وزیر اعظم چیمبر میں ہو گا ، جس میں وزیر خارجہ شاہ محمود قریشی ،اسد عمر،شیریں مزاری سمیت اعلیٰ قیادت شرکت کرےگی۔

وزیر اعظم کور گروپ کو تحقیقاتی کمیشن سے متعلق اعتماد میں لیں گے۔

اجلاس میں فاٹا سے متعلق امور پر مشاورت ہو گی اور پی ٹی آئی تنظیم سازی سے متعلق امور اور ملکی سیاسی اور معاشی صورتحال تبادلہ خیال ہوگا،ذرائع

کور گروپ اجلاس میں بجٹ کی منظوری سمیت اہم امور پر بھی مشاورت ہو گی۔

مزید پڑھیں : قرضوں کی تحقیقات، حسین اصغر کو اعلیٰ سطحیٰ کمیشن کا سربراہ مقرر کرنے کا فیصلہ

یاد رہے بجٹ کی منظوری وفاقی حکومت کے لیے چلینج بن گئی ہے ، اپوزیشن کا کہنا ہے بجٹ عوام دشمن ہے، کسی صورت منظور نہیں ہونا چاہیے۔

اس سے قبل وزیراعظم عمران خان کی زیرصدارت وفاقی کابینہ نے حسین اصغرکو 10سالوں میں لےگئے قرضوں کی تحقیقات کے لیے انکوائری کمیشن کا سربراہ مقرر کرنے کا فیصلہ کیا گیا تھا، حسین اصغرسابق پولیس افسر اوراس وقت ڈپٹی چیئرمین نیب ہیں۔

وزیراعظم نے کہا تھا انکوائری کمیشن مکمل اختیارات کےساتھ کام کرےگا۔

خیال رہے وزیراعظم عمران خان نے بجٹ کے بعد قوم سے خطاب کرتے ہوئے کہا 10 سال میں قرضہ 24 ہزار ارب تک پہنچنے کی تحقیقات کے لئے اپنی سربراہی میں اعلیٰ سطح کا کمیشن بنانے کا اعلان کیا تھا اور کہا تھا ہائی پاورڈ کمیشن میں آئی ایس آئی، ایف آئی اے، نیب، ایف بی آر اور ایس ای سی پی شامل ہوں گے۔

Comments

comments

یہ بھی پڑھیں