اسلام آباد : وزیر اعظم عمران خان سمیت دیگر وزرا نے ترکی میں زلزلے سےجانی و مالی نقصان پر اظہارافسو س کرتے ہوئے کہا مشکل گھڑی میں ترک قیادت اور ترک عوام کے ساتھ ہیں۔
تفصیلات کے مطابق وزیر اعظم عمران خان نے سماجی رابطے کی ویب سائٹ ٹوئٹر پر اپنے ٹوئٹ میں ترکی میں زلزلے سےجانی و مالی نقصان پر اظہار افسوس کرتے ہوئے کہا مشکل گھڑی میں ترک قیادت اور ترک عوام کے ساتھ ہیں۔
Deeply saddened by the loss of so many precious lives and of hundreds injured in Turkey’s earthquake. Our thoughts and prayers are with the brotherly people and government of Turkey. Pakistan stands by them and is ready to lend any assistance in this hour of need.
— Imran Khan (@ImranKhanPTI) January 25, 2020
وزیراعظم عمران خان پاکستان کی جانب سےترکی سےاظہاریکجہتی کرتے ہوئے غم زدہ خاندانوں سے ہمدردی کااظہار بھی کیا۔
ترک بہن بھائیوں کےغم میں برابر کےشریک ہیں، وزیر خارجہ
وزیر خارجہ شاہ محمود نے ترکی میں زلزلے سےجانی و مالی نقصان پر اظہارافسوس کرتے ہوئے جاں بحق افرادکی مغفرت اور زخمیوں کی جلد صحت یابی کی دعا کی اور کہا ترک بہن بھائیوں کےغم میں برابر کےشریک ہیں۔
وزیراعلیٰٰ پنجاب عثمان بزدار کا ترکی میں زلزلےسےجانی نقصان پراظہارافسوس
وزیراعلیٰٰ پنجاب عثمان بزدار نے بھی ترکی میں زلزلےسےجانی نقصان پراظہارافسوس کرتے ہوئے کہادکھ کی گھڑی میں غمزدہ ترک بھائیوں کے ساتھ ہیں، تمام ہمدردیاں جاں بحق افراد کےلواحقین اور زخمیوں کے ساتھ ہیں، سوگوار خاندانوں کے غم میں برابر کے شریک ہیں۔
مزید پڑھیں : ترکی میں 6.8 شدت کا زلزلہ
خیال رہے ترکی کےجنوبی مشرقی علاقوں میں چھ اعشاریہ آٹھ کی شدت کازلزلہ آیا، زلزلے کے نتیجے میں متعددعمارتیں زمین بوس ہوگئیں، مختلف حادثات میں اب تک ہلاکتوں کی تعداد 20 اور زخمیوں کی تعدادپانچ سوسےتجاوزکرچکی ہے۔
زلزلے سے متاثرہ عمارتوں کےملبےتلےسیکڑوں افرادکےدبےہونےکاخدشہ ہے،اسپتالوں میں ایمرجنسی نافذکردی گئی ہے اور منہدم عمارتوں میں پھنسے افراد کو نکالنے کیلئے امدادی کارروائیاں جاری ہے۔
غیرملکی میڈیا کے مطابق زلزلےکے جھٹکےترکی کے ہمسایہ ممالک ایران ،شام اور لبنان میں بھی محسوس کئےگئے، زلزلےکی گہرائی دس کلومیٹر تھی۔
