The news is by your side.

Advertisement

بلیو اکانومی پالیسی : قیمتی زرمبادلہ کی بچت اور روزگار کے مواقع

اسلام آباد : وزیراعظم عمران خان نے “بلیو اکانومی پالیسی” کو حتمی شکل دینے پر وزارت میری ٹائم کو مبارکباد دیتے ہوئے کہا پالیسی کے باعث قیمتی زرمبادلہ کی بچت ہوگی، روزگار کے مواقع نکلیں گے۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں “بلیو اکانومی پالیسی” کو حتمی شکل دینے پر وزارت میری ٹائم کو مبارکباد دی اور کہا پالیسی کے باعث قیمتی زرمبادلہ کی بچت ہوگی اور روزگارکے مواقع نکلیں گے۔

عمران خان کا کہنا تھا کہ پالیسی ہمارےشعبہ جہازرانی کوپھرسےزندگی دےگی، یقین دلاتے ہیں کہ پاکستان جہاز رانی کی پوری صلاحیت بروئے کار لائے گا۔

یاد رہے وزارت بحری امور نے جہاز رانی سیکٹر میں نجی شعبے کو راغب کرنے کے لئے نئی شپنگ پالیسی وضع کی ، پالیسی کے تحت شپنگ کمپنیاں اپنے جہازوں کو پاکستان میں رجسٹر ڈ کرا کے بڑی مالی مراعات حاصل کر سکیں گی، انہیں کسٹم ڈیوٹی سے بھی مستثنیٰ کیا جائے گا۔

وفاقی وزیر بحری امور علی حیدر زیدی نے اپنے بیان میں کہا تھا کہ شپنگ کمپنیاں اب لانگ ٹرم فنانس فیسیلٹی (ایل ٹی ایف ایف) کے تحت پاکستان کے فلیگ والے جہازوں کے حصول کے لئے لانگ ٹرم فنانس سہولت (ایل ٹی ایف ایف) کے تحت مالی مراعات اور کم مارک اپ ریٹ سے فائدہ اٹھا سکتی ہیں۔

علی زیدی کا کہنا تھا کہ پالیسی سے پاکستان پر 5 ارب ڈالربلین کے سالانہ فریٹ بل میں کمی ہوگی اور روزگار کے مواقع بھی پیدا ہوں گے۔

Comments

یہ بھی پڑھیں