اسلام آباد : وزیراعظم عمران خان نے ترک صدر کو مقامی سطح پر الیکشن میں کامیابی پر مبارکباد دیتے ہوئے کہا پاکستانی عوام مزید کامیابیوں کے لیے دعاگو ہیں۔
تفصیلات کے مطابق وزیراعظم عمران خان نے سماجی رابطے ویب سائٹ ٹوئٹر پر اپنے پیغام میں ترک صدر رجب طیب اردوگان کو مقامی سطح پر الیکشن میں کامیابی پر مبارکباد دیتے ہوئے کہا پاکستان کےعوام ان کی مزیدکامیابیوں کےلیےدعاگوہیں۔
I am delighted to congratulate friend of Pakistan Recep Tayyip Erdogan on another important victory in the Turkish local elections. The people of Pakistan wish him many more successes.
— Imran Khan (@ImranKhanPTI) April 1, 2019
خیال رہے ترکی کے بلدیاتی انتخابات میں حکمران اوراتحادی جماعتوں کا پلڑا بھاری ہے۔ اپوزیشن جماعت نے انقرہ میں مئیرکا انتخاب جیتنے کا دعویٰ کیا ہے۔
غیرسرکاری نتائج کے مطابق صدر طیب اردوگان کی جسٹس اینڈ ڈیولپمنٹ پارٹی نے اکیاون فیصد ووٹ حاصل کئے ہیں۔حکمران جماعت کی اتحادی پارٹیوں کے امیدوار بھی اپوزیشن امیدواروں سے آگے ہیں۔
ترک صدرطیب اردوگان نے بلدیاتی انتخابات کواہم قراردیا ہے۔
ترکی کے بلدیاتی انتخابات میں پانچ کروڑ سترلاکھ رائے دہندگان نے حق رائے دہی استعمال کیا۔کچھ بڑے شہروں میں مئیرکا براہ راست انتخاب بھی کیا گیا۔
اردوگان نے عوام سے خطاب میں کہا تھا کہ اگر کچھ کمی رہ گئی ہے تو یہ ہماری ذمے داری ہے کہ ہم اسے ٹھیک کریں، کل صبح سے آغاز کرتے ہوئے ہم دیکھیں گے کہ ہم سے کیا کمی رہ گئی ہے اور اسے ٹھیک کریں گے۔
