اسلام آباد : وزیراعظم عمران خان نے 23مارچ یوم پاکستان پرکانسٹیبل جمال کلہوڑو کو قومی اعزاز دینے کا فیصلہ کرلیا، پولیس اہلکارجمال کلہوڑونےریلوےٹریک پر گرنے والے شخص کی جان بچائی تھی۔
تفصیلات کے مطابق وزیر اعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ فیصلہ کیا ہے کہ کانسٹیبل جمال کلہوڑو کو اگلے سال یوم پاکستان کے موقع پر قومی اعزازسےنوازا جائے گا،جمال کلہوڑو نے پوری لگن کیساتھ اپنی ڈیوٹی ادا کی، قرآن میں ہےجس شخص نےایک جان بچائی اس نےانسانیت کی جان بچائی۔
We have decided to honour Constable Jamal Kalhoro on Pakistan Day 23rd March for dedication to duty. “If anyone saves a life, it shall be as though he had saved the lives of all mankind.” — Surah Al-Mai’dah [5:32]
— Imran Khan (@ImranKhanPTI) August 20, 2021
وزیراعظم نے گزشتہ روز کانسٹیبل جمال کلہوڑو کی ویڈیو ٹوئٹر پر شیئر کی تھی اور اپنے پیغام میں کہا تھا کہ ‘یہ وہ مقام ہے جہاں فرض تقدیس سے ہمکنار ہوتا ہے، عوام الناس کی خدمت کے حوالے سے اس نوجوان سپاہی کا عزم قابلِ تحسین ہے۔
یہ وہ مقام ہے جہاں فرض تقدیس سے ہمکنار ہوتا ہے۔ عوام الناس کی خدمت کے حوالے سے اس نوجوان سپاہی کے ہاں دکھائی دینے والا عزم قابلِ تحسین ہے۔pic.twitter.com/B1xozkj06a
— Imran Khan (@ImranKhanPTI) August 19, 2021
خیال رہے جمال کلہوڑو نے ٹرین سے گرنے والے ایک شخص کو پٹری پر گرنے سے بچایا تھا۔