The news is by your side.

Advertisement

وزیر اعظم کا عوامی شکایات کیلئے آن لائن کھلی کچہریوں کے انعقاد کا فیصلہ

اسلام آباد : وزیر اعظم عمران خان نے عوامی شکایات کےلیے آن لائن کھلی کچہریوں کے انعقاد کا فیصلہ کرتے ہوئے پی ایم ڈلیوری یونٹ کو کھلی کچہریوں کو مانیٹر کرنے کی ہدایت کردی.

تفصیلات کے مطابق وزیر اعظم عمران خان نے آن لائن کھلی کچہریوں کے انعقاد کا فیصلہ کرلیا، اس حوالے سے عمران خان کی ہدایت سے وفاقی وزارتوں کے24 اداروں کے لیے ایس او پیز تیار کرلی ہے۔

وزیر اعظم عمران خان نے ایس او پیز کی منظوری دے دی جبکہ پی ایم ڈلیوری یونٹ نےمتعلقہ وزارتوں اوراداروں کےاعلیٰ افسران کوہدایات جاری کردی ہے۔

وزیر اعظم نے پی ایم ڈلیوری یونٹ کو کھلی کچہریوں کو مانیٹر کرنے کی ہدایت کرتے ہوئے کہا کہ عوامی شکایات کےلیےکھلی کچہریوں کاانعقاد کیا جائے، کورونا کی صورتحال کے پیش نظر فی الحال آن لائن کچہریوں کی اجازت ہوگی۔

وزیر اعظم آفس کا کہنا ہے کہ سوشل میڈیا،ریڈیو،مقامی کیبل ٹی وی،ویڈیوکانفرنس کااستعمال کیاجاسکےگا، یکم مئی کےبعدکورونا کاجائزہ لےکرآئندہ کاطریقہ کار طےکیاجائے، عوامی مسائل کےفوری حل کے لیے کھلی کچہریاں مستقل کام کریں گی۔

Comments

یہ بھی پڑھیں