اسلام آباد: وزیراعظم عمران خان نے کوئٹہ دھماکے میں معصوم جانوں کے ضیاع پر اظہار افسوس کرتے ہوئے کہا دہشت گردی کےاس عفریت کو دوبارہ سر اٹھانے کی اجازت نہیں دیں گے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا ہے کہ کوئٹہ میں کل قابل مذمت اور بزدلانہ دہشت گردحملہ ہوا، حملے میں معصوم جانوں کےضیاع پر بے حد رنجیدہ ہوں، ہماری قوم نے دہشت گردی کو پچھاڑنےکیلئےغیرمعمولی قربانیاں دیں، دہشتگردی کےاس عفریت کو دوبارہ سر اٹھانے کی اجازت نہیں دیں گے ، ہم مکمل چوکس اورتمام داخلی وخارجی خطرات پر نگاہ رکھےہوئے ہیں۔
I am deeply saddened by the loss of innocent lives in the condemnable & cowardly terrorist attack in Quetta yesterday. Our nation has made great sacrifices in defeating terrorism & we will not to allow this scourge to rise again. We remain alert to all internal & external threats
— Imran Khan (@ImranKhanPTI) April 22, 2021
اس سے قبل وزیر اعظم عمران خان نے کوئٹہ دھماکے کا نوٹس لیتے ہوئے واقعے کی رپورٹ طلب کر لی تھی اور واقعے کی تحقیقات کے لیے وزیر داخلہ کو ہدایت جاری کرتے ہوئے کہا تھا اس معاملے کی تہ تک پہنچا جائے۔
یاد رہے گذشتہ روز کوئٹہ میں سرینا چوک پر ہوٹل کی پارکنگ میں دھماکے کے نتیجے میں پانچ افراد جاں بحق اور دس زخمی ہوئے تھے، دھماکے سے کئی گاڑیوں کو آگ لگ گئی تھی جبکہ ہوٹل سمیت قریبی عمارتوں کے شیشے ٹوٹ گئے تھے۔