تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

وزیر اعظم عمران خان آج لیٹر گیٹ کی تحقیقات کیلئے عدالتی کمیشن بنانے کا مطالبہ کریں گے

اسلام آباد : وزیر اعظم عمران خان آج سپریم کورٹ سے لیٹر گیٹ کی تحقیقات کیلئے عدالتی کمیشن بنانے کا مطالبہ کریں گے ، وزیر اعظم کے وکلا آج سپریم کورٹ میں تحریری جواب جمع کرائیں گے۔

تفصیلات کے مطابق وزیر اعظم عمران خان آج لیٹر گیٹ کی تحقیقات کیلئے عدالتی کمیشن بنانے کا مطالبہ کریں گے ، ذرائع کا کہنا ہے کہ سپریم  کورٹ سے تحقیقات کیلئے ہائی پاور کمیشن تشکیل دینے کی استدعا کی جائے گی۔

ذرائع نے کہا کہ وزیر اعظم کے وکلا آج سپریم کورٹ میں تحریری جواب جمع کرائیں گے، اس سلسلے میں عمران خان نے گزشتہ روز قانونی ٹیم سے مشاورت کی۔

گزشتہ روز سماعت کے دوران چیف جسٹس عمرعطا بندیال نے ریمارکس میں کہا تھا کہ کوشش ہے آج فیصلہ سنا دیں، کیس کی وجہ سے نگراں حکومت کا قیام رکا ہوا ہے۔

جسٹس اعجاز الاحسن کا کہنا تھا کہ وقت کم ہے لیکن جلد بازی میں بھی فیصلہ نہیں کرنا چاہتے جبکہ چیف جسٹس کا یہ بھی کہنا تھا آئین کو رولز کے ذریعے غیرمؤثر نہیں بنایا جاسکتا۔

جسٹس منیب اختر نے سوال اٹھایا تھا کہ عدم اعتماد پر ووٹنگ نہ ہونا آئین کی خلاف ورزی کیسے ہوگئی؟ جبکہ جسٹس اعجاز الاحسن نے استفار کیا تھا کہ ڈپٹی اسپیکر بے اختیار ہے تو عدم اعتماد کی منظوری کی رولنگ کیسے دے گا؟

عدالت نےاکتیس مارچ کی کارروائی کا ریکارڈ طلب کرلیا تھا ، اپوزیشن کے وکلا کے دلائل گزشتہ روز مکمل ہوگئے تھے، حکومتی وکیل بابراعوان آج دلائل دیں گے۔

Comments

- Advertisement -