The news is by your side.

Advertisement

کورونا وائرس ، وزیراعظم کی شہریوں کو مزید سہولتیں فراہم کرنے کی ہدایت

اسلام آباد : کورونا وائرس کے خطرے کے پیش نظر وزیراعظم عمران خان نے شہریوں کو مزید سہولتیں فراہم کرنے کی ہدایت کردی۔

تفصیلات کے مطابق کورونا وائرس کے خطرے کے پیش نظر وزیر اعظم عمران خان نے شہریوں کے مسائل کے حل کیلئے افسران کو ہدایات جاری کردیں۔

وزیراعظم عمران خان نے شہریوں کو مزید سہولتیں فراہم کرنے کی ہدایت کرتے ہوئے کہا ہے کہ شہریوں کے مسائل نظر انداز نہیں ہونے چاہئیں۔

وزیر اعظم کی ہدایت پر وزیراعظم آفس کی جانب سے خصوصی مراسلہ جاری کردیا گیا ہے، جس میں کہا گیا ہے کہ سرکاری افسران مسائل کے حل کیلئےشہریوں سے رابطےمیں رہیں۔

مراسلے میں کہا گیا ہے کہ ملک میں لاک ڈاؤن کے باعث شہریوں کو مسائل کا سامنا ہے، شہری سیٹیزن پورٹل کا استعمال کر کے شکایات درج کرا رہے ہیں، سرکاری افسران کو گھروں سے کام کیلئے پورٹل کی سہولت میسر ہے۔

وزیر اعظم آفس کا کہنا ہے کہ افسران شہریوں کی شکایات کےازالےکیلئےاقدامات کریں اور شہریوں کو شکایات کے حل سے متعلق با خبر رکھا جائے۔

مراسلے میں کورونا کے باعث شکایات کے حل کا دورانیہ 41 سے 60 روز کر دیا گیا ہے۔

Comments

یہ بھی پڑھیں