اسلام آباد : وزیراعظم عمران خان نے اداروں اور افسران کے خلاف سوشل میڈیا مہم چلانے والے عناصر کے خلاف کاروائی کی ہدایت کردی۔
تفصیلات کےمطابق وزیراعظم عمران خان کی زیر صدارت پارٹی رہنماؤں کا اجلاس ہوا ، جس میں وزیراعظم نے اداروں اور افسران کے خلاف سوشل میڈیا پر چلنے والی مہم کا نوٹس لیا۔
ذرائع نے بتایا کہ پی ٹی آئی کی تصاویر لگاکرسوشل میڈیا مہم چلانےوالوں کی شناخت کرلی گئی، اجلاس میں وزیراعظم کو سوشل میڈیا مہم چلانے والوں سے متعلق رپورٹ بھی پیش کی گئی۔
ذرائع کے مطابق وزیراعظم عمران خان نے مہم چلانے والے عناصرکے خلاف کاروائی کی ہدایت کرتے ہوئے کہا سوشل میڈیا مہم چلانے والوں کے خلاف ایف آئی اے کارروائی کرے گی۔
یاد رہے وفاقی وزیر اطلاعات فوادچوہدری کا کہنا تھا کہ سوشل میڈیا پرفوج کے خلاف طوفان بدتمیزی مچا ہوا ہے، پاکستان کے دشمن سوشل میڈیا اکاؤنٹس نے ڈسپلے بدل کرطوفان بدتمیزی مچایا۔
وفاقی وزیراطلاعات نے اپنے ٹوئٹ میں کہا تھا کہ یہ اکاؤنٹس نون لیگ کےحق میں مہم چلاتےرہے پھرفوج کونشانہ بنایا، عمران خان اورفوج میں کبھی تفرقہ نہیں آسکتا، وزیراعظم فوج کو پاکستان کے تحفظ کا ضامن سمجھتے ہیں۔
