اسلام آباد : وزیراعظم عمران خان نے ڈاکٹراعجازاحسن کےانتقال پرافسوس کااظہار کرتے ہوئے کہا وہ پی ٹی آئی کےبانی رکن تھے، ان کی شعبہ صحت میں خدمات یادرکھی جائیں گی۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر ڈاکٹراعجازاحسن کےانتقال پرافسوس کااظہار کرتے ہوئے کہا ڈاکٹر اعجاز احسن کےانتقال پردکھ ہوا، وہ پی ٹی آئی کےبانی رکن تھے، جب پارٹی مشکل وقت میں تھی اور اسٹیٹس کو کے خلاف لڑرہی تھی تب وہ ساتھ رہے۔
عمران خان کا کہنا تھا کہ ڈاکٹراعجازاحسن سینٹرل ایگزیکٹوکمیٹی کےممبر بھی رہے اور اوقاراندازمیں اجلاسوں میں شریک ہوتے تھے ، میری دعائیں اورتعزیت اہل خانہ کیساتھ ہیں۔
Saddened to learn, only today, of the passing of Dr Ijaz Ahsan. He was a founder mbr of PTI & stood by us during the difficult days when our Party was being mocked by the status quo. He was a mbr of our CEC & diligently attended all mtgs. My prayers & condolences go to the family
— Imran Khan (@ImranKhanPTI) June 11, 2020
بعد ازاں وزیراعظم نے پیپلزپارٹی کےسینئررہنماچوہدری اعتزازاحسن سے رابطہ کیا اور ان کے بھائی ڈاکٹراعجازکی وفات پر اظہارتعزیت کرتے ہوئے کہا ڈاکٹراعجاز کی شعبہ صحت میں خدمات یادرکھی جائیں گی ، وہ قومی سرمایہ تھے، ان کی وفات سے پیدا ہونے والا خلاپر نہیں ہوسکے گا۔
چوہدری اعتزازاحسن نے وزیراعظم کا اظہار تعزیت پرشکریہ ادا کیا۔
