The news is by your side.

Advertisement

وزیراعظم عمران خان آج ٹائیگرز فورس کے نوجوانوں سے خطاب کریں گے

اسلام آباد : وزیراعظم عمران خان آج ٹائیگرزفورس کے رجسٹرڈ نوجوانوں سے خطاب کریں گے، جس میں عمران خان نوجوانوں کو گائیڈ لائنز فراہم کریں گے۔

تفصیلات کے مطابق وزیراعظم آفس کا کہنا ہے کہ وزیراعظم عمران خان آج سہ پہرسوا3بجےخطاب کریں گے، جس میں وزیراعظم ٹائیگرزفورس کے رجسٹرڈ نوجوانوں سےمخاطب ہوں گے اور نوجوانوں کوگائیڈلائنز فراہم کریں گے۔

یاد رہے ٹائیگرفورس کوآج ملک بھرمیں آپریشنل کیاجائے گا، اس سلسلے میں وزیراعظم عمران خان نےارکان اسمبلی کااجلاس بھی طلب کرلیاہے، عثمان ڈاراورارکان اسمبلی وڈیولنک کےذریعے اجلاس میں شریک ہوں گے۔

اجلاس میں وزیراعظم عمران خان ٹائیگر فورس سے متعلق گائیڈ لائینزدیں گے، خیبرپختونخوا کی بیوروکریسی کااہم اجلاس بھی طلب کیاگیا ہے۔

یاد رہے 30 اپریل کو وزیراعظم نے رضا کار فورس سے خود خطاب کرنے کا فیصلہ کرتے ہوئے کہا تھا کہ ٹائیگر فورس کو پیر سے پورے ملک میں متحرک کر دیا جائے اور میں خود سوشل میڈیا پلیٹ فارمز پر رجسٹرڈ نوجوانوں سے خطاب کروں گا۔

وزیراعظم کی ہدایات کے بعد عثمان ڈار متحرک ہوگئے تھے اور بڑے پیمانے پر تیاریاں شروع کردی تھیں۔

خیال رہے 20 اپریل کو وزیراعظم کورونا ریلیف ٹائیگرز فورس کو باقاعدہ آپریشنل کردیا گیا تھا اور سیالکوٹ میں وزیراعلیٰ پنجاب عثمان بزدارنے ٹائیگرزفورس کاافتتاح کیا تھا ،جس کے بعد فورس نے فیلڈ کورونااسپتال میں ذمہ داریاں سنبھال لیں تھیں، سیالکوٹ کے20ہزارنوجوان ٹائیگرز فورس میں خدمات سرانجام دے رہے ہیں۔

Comments

یہ بھی پڑھیں