کراچی : وزیراعظم عمران خان امریکہ کے دورے کیلئے پاک فضائیہ کا چھوٹا طیارہ استعمال کرینگے، ماضی میں حکمرانوں نے پی آئی اے کو غلط استعمال کیا۔
ان خیالات کا اظہار انہوں نے کراچی میں میڈیا سے گفتگو کرتے ہوئے کیا۔ غلام سرور خان نے کا کہنا تھا کہ ماضی میں امریکہ کے دورے کیلئے وزیراعظم پی آئی اے کا جہاز استعمال کرتے تھے جس سے ادارے کو نقصان ہوتا تھا۔
وزیراعظم عمران خان امریکہ کے دورے کیلئے پاک فضائیہ کا چھوٹا طیارہ استعمال کریں گے, پچھلی حکومتوں نے بیرون ملک دوروں پر پی آئی اے کو غلط استعمال کیا تھا جس کی وجہ سے ادارے کو نقصان پہنچا۔
وفاقی وزیر کا کہنا تھا کہ امریکی حکام نے ائیرپورٹ کا دورہ کرکے انتظامات پر اطمینان کا اظہار کیا ہے۔ انہوں نے کہا کہ پی آئی اے کی امریکہ، نیویارک کیلئے براہ راست پروازیں شروع کررہے ہیں۔
انہوں نے کہا کہ قطر سے ائیرپورٹ کو اپ گریڈ کرنے کی بات کی مگر ائیرپورٹ کسی کے حوالے نہیں کیا جارہا، سول ایوی ایشن اتھارٹی کو دو حصوں میں تقسیم کیا جارہا ہے۔ یہ تقسیم ریگولیٹری اور کمرشل بینادوں میں کی جارہی ہے۔
مزید پڑھیں: امریکی صدرکی دعوت پر وزیراعظم 21 جولائی کو امریکہ جائیں گے، ڈاکٹر فیصل
انہوں نے کہا کہ ریگولیٹری باڈی کابینہ دویژن کے ماتحت کام کرے گی۔ وفاقی وزیر برائے ہوابازی نے مزید کہ سیکیورٹی مسائل کی وجہ سے غیرملکی ائیرلائن میں پاکستان کے روٹس کو ختم کردیا گیا تھا لیکن اب مختلف ممالک پاکستان کی امن و امان کی صورتحال بہتر ہونے کی وجہ سے فلائٹ آپریشن کیلئے دلچسپی لے رہے ہیں جن میں سرفہرست فرانس ہے۔
